影片
更多
2016-10-22
384 瀏覽
戒左口幾日，忍唔住要食返邪惡嘅野！呢間日式燒肉想試好耐，今晚終於可以一試！平時都係去尖沙咀食飯，好少左佐敦，難得今晚可以explore下佐敦。餐廳喺女拔附近，離地鐵站只係2、3分鐘步程，相當方便。餐廳好旺場，好彩book左枱唔使等。本來諗住叫set, 不過友人想試啲特別啲嘅野所以決定散叫。熱緊個爐個時，我地嘆返個冷盤-原隻鮑魚刺身！唔記得左鮑魚產地，不過食得出係新鮮靚貨，肉厚彈牙，唔使點任何汁醬，食其本身海水咸鮮味。個爐夠熱，可以燒啦喂！燒之前店員哥哥好耐心咁教我地每一款肉/海鮮應該點燒先達至最好味效果，服務好到要讚一讚👍🏻！呢份美國Prime牛角切($168) 雪花分佈得好靚，佢有2個燒法，1係逐邊將4邊燒至香脆，鎖住中間肉汁，食落香口，2係以滾炒方式燒至理想熟度，食落較嫩滑。美國安格斯牛小排($98) 都唔錯，肥瘦平均，有牛味，輕輕燒燒2面就食得，我點個胡麻醬食，好match!海鮮都好正，必試大虎蝦，因為太大隻太厚肉，要燒耐啲（10分鐘），肉厚彈牙，like!自己燒活鰻都係第一次咋！活鰻潔白厚身，落爐耐心將4邊燒至7，8成熟，塗上鰻魚汁，再燒至金黃色。食落皮脆，魚肉嫩而有靭度，充滿
平時都係去尖沙咀食飯，好少左佐敦，難得今晚可以explore下佐敦。
餐廳喺女拔附近，離地鐵站只係2、3分鐘步程，相當方便。餐廳好旺場，好彩book左枱唔使等。
本來諗住叫set, 不過友人想試啲特別啲嘅野所以決定散叫。熱緊個爐個時，我地嘆返個冷盤-原隻鮑魚刺身！唔記得左鮑魚產地，不過食得出係新鮮靚貨，肉厚彈牙，唔使點任何汁醬，食其本身海水咸鮮味。
個爐夠熱，可以燒啦喂！燒之前店員哥哥好耐心咁教我地每一款肉/海鮮應該點燒先達至最好味效果，服務好到要讚一讚👍🏻！呢份美國Prime牛角切($168) 雪花分佈得好靚，佢有2個燒法，1係逐邊將4邊燒至香脆，鎖住中間肉汁，食落香口，2係以滾炒方式燒至理想熟度，食落較嫩滑。
美國安格斯牛小排($98) 都唔錯，肥瘦平均，有牛味，輕輕燒燒2面就食得，我點個胡麻醬食，好match!
海鮮都好正，必試大虎蝦，因為太大隻太厚肉，要燒耐啲（10分鐘），肉厚彈牙，like!
自己燒活鰻都係第一次咋！活鰻潔白厚身，落爐耐心將4邊燒至7，8成熟，塗上鰻魚汁，再燒至金黃色。食落皮脆，魚肉嫩而有靭度，充滿油脂，大滿足！
另外我地叫左個蕎麥冷麵墊墊胃，好fresh，感覺可以消除下啲熱氣！
今餐好滿足，食物同服務都好好，有下次！😋張貼
