居食屋「和民」 (已結業)

同朋友餞行，為左就大家近d就去左呢間和民，叫左個二人餐試下。呢個沙律味道唔錯，等我呢d平時唔食開既都忍唔住食多兩啖，唔錯。雖然係薄切但仍然有三文魚味，配埋佢既醬汁，味道比較新鮮係幾特別，喜歡三文魚既可以一試。呢個咁既年糕，食落就係一pat野咁，冇年糕“煙韌”既口感，亦冇芝士味，食落完全冇味，唔合格唔太推介。外型待別，但味道普通個鍋入面仲有其他送，尚算豐富。今餐飯唔太滿意主要係服務態度唔好，明明係前菜既沙律，竟然食到一半先黎。其他野食又要三催四請先上，d staff呢頭話幫我地追，之後問番佢又唔記得。