影片
更多
2019-04-14
75 瀏覽
見訂座有75折就去左食，環境幾闊落，又唔會話好大陣揮之不去嘅火鍋湯底味，食物選擇都多，芝心丸，蟹籽丸，薯粉，好多種菇類都有。但呢間野再去嘅意慾係絕對唔大，儘管食物質素好，點解？因為呢間野衰在服務態度唔掂，入去店門口話訂左位，問門口嗰個人（疑似經理嗰啲，高級啲）個75折點兌換，佢講左堆九唔搭八嘅野，話咩呢啲係open rice自己嘅野唔關佢地事，心諗佢講乜，即係冇75折？！😱跟住問帶位另外嗰個侍應，佢就話網上訂座已經有75折唔使特別兌換，所以我地只係係虛驚一場，經理講野都1999。上菜問題就嚟啦，啲肉等左勁耐先嚟，兩個人先嚟得兩碟牛，應該有埋豬同雞架嘛，不過我都算，反正只想食牛。食完個兩碟牛，叫左加牛，等左勁耐都唔嚟，再叫，都係等勁耐，感覺啲侍應，仲有經理回應完個客就算，根本冇跟進過，都唔知有冇入單添啊。其後見到有個入座嗰陣未見過嘅戴眼鏡男性侍應，再追多次啲牛，佢同我講啲牛啱啱解完凍切緊，相比其他侍應佢有心好多，起碼佢肯講出遲遲出唔到牛肉嘅原因，仲即刻話不如比住啲豬同雞我地食住先，算識做，條氣即刻順翻啲，因為實在等左太耐！！最後啲牛都有上到，如果我唔追第三次，好大機會我同朋友成餐加埋只係
因為呢間野衰在服務態度唔掂，入去店門口話訂左位，問門口嗰個人（疑似經理嗰啲，高級啲）個75折點兌換，佢講左堆九唔搭八嘅野，話咩呢啲係open rice自己嘅野唔關佢地事，心諗佢講乜，即係冇75折？！😱跟住問帶位另外嗰個侍應，佢就話網上訂座已經有75折唔使特別兌換，所以我地只係係虛驚一場，經理講野都1999。
上菜問題就嚟啦，啲肉等左勁耐先嚟，兩個人先嚟得兩碟牛，應該有埋豬同雞架嘛，不過我都算，反正只想食牛。食完個兩碟牛，叫左加牛，等左勁耐都唔嚟，再叫，都係等勁耐，感覺啲侍應，仲有經理回應完個客就算，根本冇跟進過，都唔知有冇入單添啊。
其後見到有個入座嗰陣未見過嘅戴眼鏡男性侍應，再追多次啲牛，佢同我講啲牛啱啱解完凍切緊，相比其他侍應佢有心好多，起碼佢肯講出遲遲出唔到牛肉嘅原因，仲即刻話不如比住啲豬同雞我地食住先，算識做，條氣即刻順翻啲，因為實在等左太耐！！最後啲牛都有上到，如果我唔追第三次，好大機會我同朋友成餐加埋只係食到兩碟牛。
如果大部分員工態度都係咁樣，一定唔會再去。
張貼