231
7
12
港鐵荃灣站 B1 出口 繼續閱讀
開飯介紹
日式火鍋放題店,供應多款豚肉、雞、牛肉選擇,更有澳洲和牛任食。 繼續閱讀
付款方式
Visa Master AlipayHK 支付寶 現金 AE 銀聯 微信支付
其他資料
Wi-Fi
深夜營業
VIP房
電話訂座
加一服務費
當面支付
食評 (273)
等級4 2020-04-22
2953 瀏覽
最近天氣乍暖還寒,特別想食打邊爐,因為疫情唔敢約朋友,就同星仔黎個二人邊爐。相馬係一間日式火鍋,120分鐘火鍋放題價錢由$168至$468,分別在於牛肉種類。我地揀左美國頂級牛小排($328),除左有豬牛雞肉其他火鍋串燒炸物料野飲甜品之外,連海鮮都有得任食。除左肉類同海鮮係order之外,其他火鍋料蔬菜麵食野飲甜品同醬料都係喺自助區自取。哩度嘅野飲選擇唔算多,汽水涼茶韓牌飲野每樣兩三款。如果唔想加錢湯底有六款選擇,我地揀左番茄拼泡菜,番茄酸香味幾突出,泡菜辣辣地又惹味。美國頂級牛小排雪花紋好靚,口感好滑,因為牛肉比較薄身,所以即使一人一碟都仲有大把位食其他野,想回本起碼每人食返一碟。除左牛小排,海鮮都係回本位,拼盤包括魷魚、帶子、青口、蠔同大蝦,全部都大大隻,就算灼熟左都仲好有睇頭,其中我最鍾意大蝦,肉質夠晒結實。豚肉比較鞋口,可以不試。雞肉幾靚,肥瘦適中,灼熟左肉質都唔會太鞋。除左火鍋料,相馬仲有得任食串燒同炸物。我地樣樣叫左啲黎試。任食質素唔可以要求太高,佢地嘅串燒每串份量較少,我比較鍾意有咬口嘅雞腎同雞軟骨。炸物炸得夠香脆,炸粉唔會太厚,質素都可以。其他火鍋料可以喺出面自助區自己夾,我揀左啲比較少見嘅丸,其中我最鍾意下面黃色圓扁形嘅沙律丸同左邊嘅麻辣肉丸,麻辣味夠突出好惹味。打邊爐蔬菜同豆品都唔少得,全部賣相都正正常常。麵類已經預先分左一碗碗,份量唔多志在過下口癮,烏冬幾軟腍又夠滑。甜品有雪糕同雪條,肚量有限我就只試左芝麻雪糕同抹茶雪糕,雪糕唔會太甜,雪得夠凍。總結,食物質素唔錯,特別係牛小排同海鮮,其他火鍋料雖然唔係咩貴價貨,但款式都特別睇得出有誠意。重點係餐廳座位都係卡位,坐得舒服又餘又唔怕同其他食客太近,食得更放心。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-02-23
2723 瀏覽
正所謂別人恐懼時我貪婪,當無人夠膽去打邊爐嘅時候我哋就去咗吃 相馬日式火鍋 ,未試過去大鴻輝搭lift係唔使排隊嘅!店員招呼殷勤,店裏衛生清潔做得不錯,二人坐大卡位,不怕其他食客的飛沫影響啦!一坐下來首先選擇好套餐,吃中等價錢的$268 已包括美國進口牛肉 + 日本鹿兒島頂級黑豚 + 任飲汽水。在選擇好鴛鴦湯底,豚骨加蕃茄,味道濃郁而且又夠清新美味。以為只有火鍋點知有驚喜,全新升級 20多款炸物及串燒,又有多款全新湯底可以選擇,不過最近有啲喉嚨痛所以沒有吃到炸物。串燒卻是不能錯過的美味,即叫即燒,新鮮熱辣辣。牛肉、蘆筍腩肉、金菇肥牛全部入口肥美爆汁;雞翼燒得皮脆肉嫩;粟米、菠蘿清甜健美。《美國特選牛肉$268》包括美國進口牛肉、日本鹿兒島頂級黑豚肉、雞肉放題。美國牛肉也好吃,牛肉充滿脂肪,油花分布才能相當均勻,口感肥美好吃,入口鮮嫩多汁。上年到過日本鹿兒島,才知道頂級黑豚肉是那麼矜貴好吃,簡直可以跟和牛齊名。日本鹿兒島頂級黑豚肉 鹿兒島拿來做日式火鍋 簡直一流,可以一邊欣賞它誘人的粉紅色澤、細膩的油花,另一邊又可以品嚐到肉片入口自然的甘甜。丸類及蔬菜自助形式,可以隨便吃。到最後真的不要忘記有 Milktop 雪糕,日本最強綠茶和牛奶香味,仲有朱古力,絕對回味無窮的一餐。 繼續閱讀
(以上食評乃用戶個人意見 , 並不代表OpenRice之觀點。)
無論天氣如何, 還是喜歡跟朋友圍埋一齊打邊爐, 邊聊邊食, 特別係任飲任食就食得更放!今晚同朋友去到荃灣呢間火鍋放題食餐勁既! 餐廳設大部份卡位, 坐得闊落又舒服。自助區供應醬料+火鍋食材, 包括蔬菜類、粉麵、丸類, 至於甜品就有朱古力噴泉、雪條飲品以罐裝汽水為主價錢方面, 以自選任食肉類套餐做定價, 我地揀左【美國頂級牛小排放題】HK$328/位湯底就揀左蕃茄同中華辣湯,蕃茄湯底清甜, 不是濃湯那種; 至於中華辣湯果然很有驚喜, 湯底看起來紅得發黑, 但辣度唔算太勁, 反而少少辣, 食得幾開胃。呢個套餐可以任食美國頂級牛小排、豚肉、雞肉同埋海鮮,頭一Round店員會送上每款一碟, 食完當然可以無限encorn啦!美國頂級牛小排: 色澤新鮮嫩紅, 肥瘦均衡, 質地不至於很滑入口即溶, 還可以吧~豚肉雖然薄切, 但質地嫩滑; 雞肉已被去骨, 但注意煮太長時間, 令雞肉過熟變鞋。海鮮併盤都是任食! 包括有帶子、墨魚仔、青口、蠔、海蝦, 海蝦鮮甜, 肉質爽彈, 蠔很肥大, 熟後都唔會縮得太細隻。另外還有炸物、串燒都是任食, Click order落單, 串燒款式都幾多, 而且每款都有三種味道選擇串燒雞皮一片過, 香脆可口。粟米清甜, 不會過於乾身。雞軟骨爽脆, 腎片很爽, 肥牛金菇掃上醬汁, 金菇稍為索左d汁, 有層次又夠爽。  炸蝦表面香脆, 點沙律醬食唔錯最後還encorn半碟牛小排, 相比第一round賣相好像有些少分別, 明顯有層雪氣係表面, 夾起時, 牛小排帶些少硬度, 不過烚熟後, 味道跟第一round還是一樣呢。這裡店員服務亦不錯, 待客有禮, 用心經營! 繼續閱讀
(以上食評乃用戶個人意見 , 並不代表OpenRice之觀點。)
等級4 2020-02-15
1036 瀏覽
收工和朋友傾計,要坐得舒適,決定去荃灣大鴻輝食火鍋。呢度超多火鍋店選擇,我哋決定去相馬日式火鍋,見網上評語都讚佢食物高質素。選了中間價錢的美國特選牛肉,配頂級黑豚肉和雞肉,每位$268加一,這三款肉可以食完再添,另有自助任食蔬菜、麵類、丸類、甜品、飲品等。見到蔬菜類,別以為都是平價食物,這裏有蟲草花、小蘿蔔等,都是較貴的食材呢!而丸類方面,種類比一般火鍋店都多,而且有特色。湯底點了豬骨湯,無需加錢。先吃三款肉類, 美國特選牛肉,薄薄一片,放進鍋裏很快熟,牛肉味香,而且肉質非常嫩滑,很新鮮又香。雞肉是意想不到的好吃,以為是普通食材,原來肉質很嫩滑,煮得久了也沒有變得"鞋颯颯";豚肉也十分推介,很香豬肉味,爽口鮮甜,煮完整個湯底都變得甜了很多。 這三款肉我們都再吃了一遍,只要胃口夠大,吃兩遍肉類已差不多值回票價。值得一提,這裏的調味料也很用心製作,平時切粒的蒜蓉,這裏是打磨成很幼細的蒜蓉。除了豉油,還有柚子醋,吃火鍋加醋做調味料是常好吃的!還有日式胡麻醬提供呢!趁著湯底甜甜的,就要煮菜了。推介蟲草花,當成滋補藥膳也不錯,煮一會已經很爽口。有我喜愛的秋葵和芋絲,本身都是沒有味道的東西,在鮮甜的湯底煮一會,吸收湯底味道,健康又美味!另外最喜歡的火鍋配料是白蘿蔔,這裏用清水浸著切片的蘿蔔,以保持蘿蔔的水份和不會氧化,吃的時候仍然新鮮沒有渣,要讚一下這裏預備食物的心思呢!值得一提的丸類,以為是貢丸,原來是木耳馬蹄丸,第一次吃。馬蹄和木耳可增加丸的甜味和爽口感覺,很特別。 而其他的丸類實在多不勝數,未能一一吃盡呢!但還要留肚,因為還有燒物、炸物。燒物還可自選燒的方法,有醬燒、鹽燒和味噌燒。最喜歡味噌燒,雞翼入味之餘,雞翼外皮脆脆的,裏面肉汁很多,吃得很惹味;牛舌薄切所以失去了原本的爽口感覺;雞腎我喜歡鹽燒,夠香又爽;茄子用醬燒的話令汁液更多,味道也不錯。五花腩燒蘆筍非常好吃,因為蘆筍爽口又多汁,五花腩肉質夠香夠滑。炸物方面,有我喜歡的一口小甜薯、 炸墨魚丸和炸洋蔥。小甜薯非常香,我當他是甜品吃;炸洋蔥喜歡它爽口感覺,比較失色的是稍嫌炸物的粉漿太厚。最後還要吃甜品,有一口小蛋糕,我吃了椰汁mousse, 竟然有點像椰絲棉花糖的口感,很不錯。另外的紫薯小蛋糕,稍嫌不夠番薯香,和較乾身;但一小杯的甜品卻很好吃,是楊枝甘露!裏面有很多水果,用料十足。總結是, 愛吃肉類火鍋的話,這裏的肉類非常高質素,絕對吃得出與一般平價火鍋有分別,能吃的話,絕對值回票價。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-02-14
762 瀏覽
過左新年開工了,同事提議一齊去食晚餐,希望大家來年開開心心,豐衣足食!有同事喜歡食火鍋,但又有同事想去飲啤酒食串燒。老闆咁啱經過聽到,就說請我們去荃灣的相馬日式火鍋食放題,佢話火鍋料新鮮,又有串燒、炸物,啱曬我地。餐廳是樓上舖,地方整潔夠大,座位以卡位為主,寬敞舒適。設有自助區,放有火鍋配料,蔬菜、菰類、丸類、甜品和飲品,肉類就要請侍應落單送上。串燒和炸物就要剔餐紙落單。火鍋放題有四款可選,每款都有日本鹿兒島頂級黑豚肉和雞肉供應,只有牛肉不同,豐儉隨意,老闆就選左美國頂級小牛排,全部都是任食。多款湯底中,同事們選了濃郁的豚骨湯底,之後侍應將三種肉類一拼上枱,最奪目當然是牛小排,油花分佈均勻,就像大理石的花紋,肉質鮮嫩多汁。鹿兒島頂級黑豚,薄切灼幾下就食得,肉質鮮味帶有咬口。雞肉新鮮,丸類彈牙,特別提一下,有花生苗,我都係第一次食,好爽口,不防一試。喜歡食串燒和燒物的同事大讚好味,我也叫了雞翼試下,即叫即做,燒雞翼好入味,口感嫩滑又有很香的炭燒味!菠蘿也很清甜。至於炸雞翼,外層金黃色很脆口,肉質嫩滑有汁。2種雞翼都加了少許香草,增加香味。記得最後要食埋甜品,有要雪條、雪糕、朱古力噴泉等! 繼續閱讀
(以上食評乃用戶個人意見 , 並不代表OpenRice之觀點。)