173
6
7
港鐵荃灣站 B1 出口 繼續閱讀
所有分店 (3)
電話號碼
31883386
開飯介紹
日式火鍋放題店,供應多款豚肉、雞、牛肉選擇,更有澳洲和牛任食。 繼續閱讀
營業時間
今日營業
12:00 - 02:00
星期一至日
12:00 - 02:00
付款方式
Visa Master AlipayHK 支付寶 現金 AE 銀聯 微信支付
其他資料
網上訂座
Wi-Fi
深夜營業
VIP房
電話訂座
賞訂座積分
加一服務費
當面支付
有關獎賞計劃
食評 (201)
等級4 2019-10-10
156 瀏覽
而家約朋友都會約早啲食,想食打邊爐就要過泥大鴻輝中心望下,因為全幢都係放題打邊爐,大把選擇。今次就試下呢間新既相馬,6點半前入座仲免加一添。我地6點左右就上去食,呢間位於最高位21樓,景觀開陽幾好,基本上全部都係窗邊卡位,環境坐得舒適又吾迫。我地揀左豬骨湯底,我覺得有點過咸,吾洗沾豉油啦🤣我地點左第二級別既特選牛。啲牛肥瘦適中,最中意佢每一片都有個根位,令到牛牛食落有牛味,個根位好正入口一啲都吾un,淥一淥食得啦!除左打邊爐🍲,仲有串燒同炸物食。全部即點即燒即炸,熱辣辣咖!種類吾係特別多,但質素都好高咖出面自助位有好多材料拎。。我覺得最值得讚係有好多蔬菜🥬,菇🍄。吾洗只係得肉同丸!成張枱都係菜類!加上餐廳吾會放好多係枱面,甘就吾怕封塵吾新鮮啦,員工都密密fill咖。。仲有啲丸,配料都放雪櫃入面,又有個網隔住,甘樣感覺好乾淨,讚!仲有甜品🍮,飲品都係任飲,汽水茶類一應俱全。。甜品雪糕味道就好一般,無乜特別。。值得一讚,員工好有禮貌,refill牛肉好快送上。落單又會介紹一下。坐位好舒適環境吾太嘈,傾計好舒服 繼續閱讀
(以上食評乃用戶個人意見 , 並不代表OpenRice之觀點。)
等級4 2019-10-01
664 瀏覽
大鴻輝一向都係任飲任食餐廳集中地,前幾日見到呢間日式邊爐放題評價唔錯,就同朋友一齊試試!——————————🔹火鍋湯底同朋友打邊爐揀湯底意見有分歧點算?呢間餐廳就提供一人一鍋,選擇番想食嘅湯底,我就揀左蕃茄湯中和一下油膩感;朋友揀甜醬油湯底,甜度剛好,好有日本風味~🔸即叫即製炸物/燒物話明即叫即製當然係新鮮熱辣辣,首推炸雞翼,外脆內軟,食落一啲都唔乾身,上面灑上紫菜絲,好有和風雞翼嘅感覺!金菇肥牛卷燒得很出色,滿滿燒汁,食落夠晒甜,正😋🔹美國特選牛肉/丸類/蔬菜牛肉丶豬肉和雞肉任點,丸類和蔬菜可以出去拎。呢到嘅牛肉雪花分佈均勻,唔會話冷藏到硬晒,牛味夠濃😍 丸類和蔬菜🥬好多元化,其中有我最愛嘅響鈴卷🤪🔸甜品食完主食當然要食返啲甜嘢,呢到嘅甜品相當多元化,有朱古力火鍋、雪糕、雪條、涼粉、甜點,朋友就自製左個雪糕涼粉配朱古力芒果,為呢餐畫上完滿既句號🥰 繼續閱讀
(以上食評乃用戶個人意見 , 並不代表OpenRice之觀點。)
繼上次來大鴻輝中心食雞煲,今次就同朋友放工來打邊爐💕坐得闊落舒適,d 枱好夠大張,夠大胃王晒擺野食🤓 價錢合理❗️自由度高❗️鍾意點配都得👍🏻免費湯底🥣有6款,另有加錢湯底~係open area 仲有菜、丸類,蔬菜新鮮,丸類有個下拉式嘅透明屏障隔一隔塵,確保衛生👍🏻仲有個甜品corner添😍 呢度仲特別在於➡️ 有炸物➕串燒任點❗️❗️我哋今日揀咗$258 套餐,可以任食美國特選牛肉、豚肉同雞肉~.叫咗雙拼湯底➡️ 蕃茄湯➕甜醬油湯蕃茄湯足料味濃甜醬油湯味道適中,用來淥牛肉➕食烏冬好Perfect❣️牛肉偏瘦,幾啱唔太鍾意食肥肉嘅朋友😆我反而比較鍾意個豚肉,切得夠薄,而且相對肥瘦分布得更均勻🤓.丸類除咗衛生之外,仲保存得幾好,冇結冰,所以淥熟咗之後,口感依然彈牙爽滑😌.蔬菜新鮮選擇多❗️.炸物盤上菜啦❣️我地點左炸冬菇、炸芝士丸、炸墨魚丸、炸洋蔥圈、炸蝦、炸雞翼、炸甜薯及炸餐肉💕炸物仲另配有黑松露沙律醬😍 用嚟蘸洋蔥圈同炸蝦一流💕由於大部份都係用七味粉調味,所以其實炸物表面都係差唔多嘅味😝特別推薦炸雞翼、洋蔥圈、墨魚丸❗️炸雞翼香脆多汁,油膩感唔重,肉質嫩滑❣️食起來微辣又開胃👍🏻洋蔥圈炸得通透,容易咬開,口感爽脆😋墨魚丸很高質素,口感彈牙,墨魚肉香🤩 經一番油炸之後,入口更熱辣辣,外脆內軟💕.串燒方面,我哋點咗牛舌、牛肉、金菇牛肉卷同埋雞皮~最推薦金菇牛肉卷,入口口感豐富😍 塗咗醬汁嘅牛肉口感軟滑,金菇唔韌咬得開,食落美味又Juicy🤤❣️.一個價錢可以打邊爐、食串燒➕炸物,呢餐飯食得好滿足❣️ 繼續閱讀
(以上食評乃用戶個人意見 , 並不代表OpenRice之觀點。)
好興奮今日又俾我搵到間超正放題!!!呢間放題店位於荃灣鬧市區~ 地點都好易搵~~餐廳環境闊落, 幾大幾多座位~坐得好鬆動又舒服~~放題分幾款~ 根據牛既品種分錢價...二三百蚊, 價錢合理~自選湯底~有6款免費, 另外特選湯底可加錢升級仲有炸物&串燒任點~好似好正咁BOR自助區~~有好款蔬菜, 丸纇等~乾淨企理!汽水櫃~水果甜品區~我地要左個鴛鴦鍋~ 清湯+甜豉油美國頂級牛小排超正!! 一食就知係靚牛!牛味濃郁又軟腍encore左好多次海鮮拼盤非常之有質素!! 好難得食放題有咁好食既海鮮大蝦爽口彈牙~~蠔一d腥味都冇!帶子仲大大粒好厚肉~~串燒串燒有醬燒&鹽燒兩款~一次過可試唔同口味炸物一定要食既炸雞翼, 超正超正超正!!!外皮卜卜脆, 雞肉又juicy又嫩滑~ 必食呀呢道食物高質, 服務又好, 兼坐得舒服~絕對係放題餐廳既首選!! 繼續閱讀
(以上食評乃用戶個人意見 , 並不代表OpenRice之觀點。)
等級4 2019-09-03
1257 瀏覽
餐廳在大鴻輝頂層,透過落地玻璃,欣賞荃灣的街景,享用放題,是雙重享受。牛肉火鍋放題共120分鐘, 價錢以不同級數的牛肉而定:美國牛肉$168;美國特選牛肉$258;美國頂級牛小排$328;特上澳洲和牛$388。火鍋配料包括豚肉、雞肉、炸物、飲品和甜品等任飲任食,親民價格!湯底選擇不少:豬骨濃湯拼中華辣湯!兩樣都係我們的至愛😍😍自助醬料區自己調配合味道的醬料。我們選擇了$328 的美國頂級牛小排,牛肉淥數秒就食得,粉色鮮嫩,入口嫩滑,牛味突出,滋味,㫓上十碟😊😊海鮮也是無限追加的👍👍炸物即叫即做,串燒也是即燒,好多款色!蔬菜區有:娃娃菜、生菜、南瓜、冬瓜、鮮菇等,最喜歡罕有的花生芽和蘆筍仔,入口爽脆鮮甜,好特別。自助還有 牛丸、肉丸、蟹柳、芝士腸、魚皮餃,保持冰涷衛生,最喜歡魚皮餃,外皮煙煙韌韌,內裏充滿肉汁;雪柜有多款口味果汁及罐裝茶,提供選擇,還有啤酒🍺🍺但甜品中,有四款雪糕:綠茶、朱古力、芝麻、雲呢拿。朱古力噴泉最受歡迎 !好滿足的一餐!無論服務、環境、食物都中高位,價錢合理,下次家庭聚會也很適合😆😆 繼續閱讀
(以上食評乃用戶個人意見 , 並不代表OpenRice之觀點。)