影片
更多
2022-08-24
72 瀏覽
冇Booking 可以Walk in，但係就坐出邊室外。冇冷氣但有風扇，有天幕。電話QRcoded落單。方便快捷。餐單主食主要有漢堡，丼飯，pizza。首先叫咗兩個頭盤，牛舌蒜茸包同埋風乾火腿沙律。蒜蓉包好好食，分量適合四至五個人。但個牛舌個口感似雞腎，完全唔似牛舌。個味道還可以。而個沙律就不過不失，普通冇乜特別，都係食菜+火腿+芝士。小食叫左水牛城雞翼同埋牛油蒜香雞翼，水牛城雞翼嘅味道酸酸辣辣，幾開胃。但係配嗰個Blue cheese醬就好奇怪。牛油雞翼就好有牛油味但係冇乜蒜蓉味。兩款雞翼都整得幾Juicy。主食叫左分四個丼飯，分別係牛舌，雞肉，炸蠔，和牛。個牛舌簡直係慘不忍睹，韌到咬唔到。雞肉就可以接受。炸蠔超級細隻，而且同飯不成正比，d飯好多但d蠔就好少，可能因為細隻原因。個和牛係四個飯之中最好食，啲肉質比較軟熟。但四個飯用嘅汁都係一模一樣，食嘅係同一種味。本身叫咗個cheese cake甜品，但係等咗近15分鐘都冇嚟到。催左一次之後又等左陣想叫cancel。突然店員過嚟問我哋係要cheese cake定係tiramisu。我哋好肯定我地係要cheese cake因為係電話落單，
餐單主食主要有漢堡，丼飯，pizza。首先叫咗兩個頭盤，牛舌蒜茸包同埋風乾火腿沙律。蒜蓉包好好食，分量適合四至五個人。但個牛舌個口感似雞腎，完全唔似牛舌。個味道還可以。而個沙律就不過不失，普通冇乜特別，都係食菜+火腿+芝士。
小食叫左水牛城雞翼同埋牛油蒜香雞翼，水牛城雞翼嘅味道酸酸辣辣，幾開胃。但係配嗰個Blue cheese醬就好奇怪。牛油雞翼就好有牛油味但係冇乜蒜蓉味。兩款雞翼都整得幾Juicy。
主食叫左分四個丼飯，分別係牛舌，雞肉，炸蠔，和牛。個牛舌簡直係慘不忍睹，韌到咬唔到。雞肉就可以接受。炸蠔超級細隻，而且同飯不成正比，d飯好多但d蠔就好少，可能因為細隻原因。個和牛係四個飯之中最好食，啲肉質比較軟熟。但四個飯用嘅汁都係一模一樣，食嘅係同一種味。
本身叫咗個cheese cake甜品，但係等咗近15分鐘都冇嚟到。催左一次之後又等左陣想叫cancel。突然店員過嚟問我哋係要cheese cake定係tiramisu。我哋好肯定我地係要cheese cake因為係電話落單，然後佢再問租多次要cheese cake定tiramisu。佢話可以即刻比我地。由於朋友趕時間要走，所以就想直接唔要甜品cancel，因爲夾夾埋埋已經等左近20分鐘而且仲唔知我地究竟要咩甜品。佢堅持話可以即刻比我地，這樣的對話重複了3次。然後我地好肯定話唔要因為已經等左好耐。然後店員俾面色我地睇，西曬面。😅
張貼