夢の丼 (已結業)

前排同一個港大畢業嘅「吃貨」朋友仔聚餐，咁啱講起大家有啲咩推介嘅平民日本餐廳。朋友二話不說，即刻就推介左呢間位於香港大學站附近嘅餐廳。呢日經開西寶城，就book檯黎嚟試吓啦！餐廳門面都幾有心思，入面嘅裝修以木色為主，都幾有格調。咁啱前幾日個肚唔係太舒服，雖然餐廳雖然主力賣魚生丼飯，穩陣起見都係唔好食生冷嘢住啦⋯好彩餐廳其他食物種類選擇都好多！主食方面，我哋見價錢幾抵就嗌咗一個牛魔王壽喜燒！俾大家睇下：啲牛肉同菜好新鮮，而且份量都幾多架小食方面，我哋分別叫咗蟹膏豆腐、黑松露玉子燒、同埋海鮮天婦羅蟹膏豆腐非常之滑，而且蟹膏味道好濃郁，食落去第一啖即刻「wow」一聲！至於黑松露玉子燒：餐廳一啲都唔孤寒，落得幾多黑松露，所以未食呢件玉子燒已經香味撲鼻。再加埋啲蛋香，一流！天婦羅炸得熱辣辣，脆卜卜。隻天婦羅蝦尤其出色，爽口彈牙！壽司方面，我哋叫咗餐廳招牌嘅「蟹三點」，分別係蟹膏壽司、蟹棒壽司同松葉蟹肉壽司，再加埋帶子壽司同埋海膽醬甜蝦蓉。以上幾款壽司嘅共通點，就係一個字：「鮮」！食落去鮮甜到令人唔捨得吞～再加上賣相吸引，飯同配料嘅比例剛好，好正！總結：呢餐飯值回票價，小店黎講係好值得推薦嘅！有機