188
3
5
港鐵香港大學站 C2 出口, 步行約3分鐘
繼續閱讀
開飯介紹
店內裝潢走日式簡潔風格，主打各款創意海鮮丼飯，所有刺身皆由日本魚市場新鮮直送。店內亦供應熟食的丼飯及串燒等。
繼續閱讀
營業時間
星期一至日
12:00 - 15:00
18:00 - 22:00
以上資料只供參考, 請與餐廳確認詳情
食家推介
相關文章
燒牛舌，豬軟骨飯好食，青魚麻麻地，好乾。炒雜菜好難食，勁重既胡椒粉味，乜其他味都無，懷疑師傅當左胡椒粉做鹽。沙律唔俾汁我係咩玩法？可能係今日太多人，忙中有亂。畢竟平時一半人都無。
繼續閱讀
好耐都冇獎勵過自己啦😌難得出咗花紅，頭獎勵吓自己啦。朋友話呢度啲刺身飯好好食，我叫咗兩個：一個係吞拿魚配拖羅、另一個係右口魚配帶子。第一個反應係，原來呢個世界真係有右口魚😂上網查返資料，先知道右口魚係日本獨有，口感唔會話好肥膩，配埋紫蘇葉，有種清新嘅感覺。另一款拖羅就似返平時食嘅丼飯，油花十足，啖啖係精華，真係好攞命，你叫人哋點樣食返出邊嗰啲普通壽司姐🤣🤣仲叫咗燒雞翼，師傅功力喺呢度一清二楚，外皮金黃香脆，內裏Juice多汁，多一分新焦，減一分就唔熟！兩個字總結：出色！叫咗個火鍋，湯頭味道比較淡，咁樣就食得出食料到底新唔新鮮，睇嚟餐廳對自己嘅食物都好有自信，當然結果都說服左我，每一樣嘢入口都知道係好嘅👍🏼👍🏼尤其是係啲蔬菜，好甜！總括嚟講，係一間味道賣相都好唔錯嘅餐廳！
繼續閱讀
嗰日返工見完客，行過香港大學嗰邊，見到有間裝修幾靚嘅日本餐廳，見唔使排隊咪入去試吓囉，點知有幾有驚喜🤩🤩餐廳內裏裝修典雅，近廚房嗰邊有吧枱，可以見到當日最新鮮推介嘅食材。我哋叫咗兩個迷你丼飯，另外叫咗個火鍋，加埋兩串串燒，仲有一個小食。丼飯用了有吞拿魚蓉、帶子等食材，食材好新鮮👍🏼👍🏼更加令人驚艷嘅係呢度嘅山葵係鮮磨，唔係坊間溝粉個種，入口唔會攻鼻！至於串燒方面，我哋叫咗燒雞翼同埋蔥燒雞串，雞翼火候控制得啱啱好，外皮香脆，內裏Juicy，蔥燒雞肉個燒汁不油膩，仲食到食菜嘅原味火鍋入邊有唔同嘅海鮮，有三文魚帶子生蠔鮮蝦，每一款都係刺身等級，另外有少少唔捨得將佢哋做火鍋配料🤣🤣小食我哋叫咗蟹粉豆腐，真材實料，鮮美無味！呢度嘅嘢食精緻美味，係稿賞自己嘅好地方🤩
繼續閱讀
同朋友去完隔離間咖啡舖傾完嘢，轉個頭見到呢間夢之丼又幾靚就試吓佢。朋友唔食得有殼嘅海鮮，如果唔係就會嗌個二人餐都幾抵，而家唯有散嗌😭輕量版一番拖羅丼($128): 有大拖羅，火炙拖羅同葱碎拖羅，仲有玉子。雖然只有每樣一片，但係葱碎拖羅份量都佔三份二，份量慷慨，而且無乜雪味。輕量版二重親子丼($98): 三文魚蓉，三文魚子，松葉蟹，蟹膏豆腐和金蟹子。同樣三文魚用份量好多，只要加少少豉油已經覺得好滿足。要一讚係喺嗰個蟹膏豆腐做咗畫龍點睛嘅作用，加少少落去就吊得出蟹嘅鮮味。 火炙原條海鰻壽司($28)，火炙右口魚邊壽司($28):即叫即整，如果可以燒得再焦香少少會更好。自家製梅醬紫蘇葉卷($38):見出邊舖頭好少呢樣嘢所以叫，食落去感覺幾新奇，紫蘇葉同梅醬酸酸地清新開胃。刺身沙律($78):三文魚，吞拿魚，甜蝦再配上柚子醋，好好嘅配搭，而且都新鮮份量都唔算少，兩個人都夠。阿波尾大葱雞肉($38): 用普通燒汁不過雞肉都算大舊，但葱段比較細粒。牛舌($48):一串有三舊，正正常常，唔會過火亦都保留到肉汁嘅。雞中翼兩隻($28):調味料只有鹽巴，出奇地好食，燒得外皮脆脆地，而且價錢都抵食。總結：西環呢邊附近日本嘢食唔算太多，做到呢個價錢而且咁多選擇，都抵食。換碟加水速度都好快，而且店員好有禮貌。
繼續閱讀
今日經過香港大學，順便嚟到地鐵站隔離嘅呢間日本餐廳，整體來講服務唔錯，嘢食都算有水準，大家經過可以試吓！👍🏻👍🏻.🟠花錦魚生丼除左有我至愛三文魚，仲有好多新鮮食材，加埋Wasabi同豉油之後同丼飯一齊食真係好掂👍🏻。值得一提係佢地嘅鮮三文魚子，十分鮮甜😍😍.🟢夢之丼佢哋嘅海鮮同埋份量更加豐富！帆立貝同牡丹蝦都好鮮甜，松葉蟹肉質份量都好多！咁多海鮮都算值回票價😃👍🏻👍🏻.🟡燒羊架佢哋嘅羊架真係值得一讚，熟嘅程度啱啱好，咬落去夠晒入味，又易咬口！☺️☺️☺️下次有機會一定會試吓其他燒物！😄😄.總括而言，呢間日本餐廳環境唔錯，大家食完飯仲可以去海旁行吓，好適合情侶一齊過嚟！👍🏻
繼續閱讀