影片
更多
2021-03-28
465 瀏覽
事緣上星期喺街上撞到無見一排嘅老朋友，既然有緣就不如揾日約埋食飯傾計聚吓舊。 講到交通方便就當然係去旺角啦，佢提議食放題，食得暢快啲，最後決定食日式燒肉。全店都以4人卡位爲主，入座後，店員向我哋講解，用餐時間係120分鐘，同埋ABC餐嘅分別。A餐係普通燒肉放題，而B,C則會多咗幾款一次性嘅食物，例如刺身盛、安格斯拼盤。精明嘅我梗係一早做足資料搜集，研究吓食邊一個餐係最抵啦。既然咁耐無一齊出街食放題，就梗係試個價錢最貴嘅C餐~落Order係用現時最Common手機掃QR Code 形式，唔洗逐張紙仔慢慢劃，既方便又環保。趁啲食物未送到之前，我又忍唔住行咗出去自助吧研究吓。 第一眼見到有青口、泡菜、凍蝦，亦有芝麻八爪魚、中華沙律等餐前小食。 再行過啲，發現原來除咗燒肉外，可以有其他材料比大家玩埋錫紙火鍋。飲品區除咗最基本罐裝汽水、紙包飲品，亦有近期大熱嘅冷泡茶。以我所見，最多人拎嘅係冷泡玄米茶同蜜桃烏龍茶。呢個時候，店員提醒一句“其實我哋仲有啤酒機，有無興趣試吓？”咁就恭敬不如從命啦。(後記最後我飲咗5杯啤酒)出去自助區行得太耐，原來部份食物已經到咗。 先試咗可以即食嘅刺身盛，赤貝新鮮﹔三
全店都以4人卡位爲主，入座後，店員向我哋講解，用餐時間係120分鐘，同埋ABC餐嘅分別。A餐係普通燒肉放題，而B,C則會多咗幾款一次性嘅食物，例如刺身盛、安格斯拼盤。精明嘅我梗係一早做足資料搜集，研究吓食邊一個餐係最抵啦。既然咁耐無一齊出街食放題，就梗係試個價錢最貴嘅C餐~
落Order係用現時最Common手機掃QR Code 形式，唔洗逐張紙仔慢慢劃，既方便又環保。
趁啲食物未送到之前，我又忍唔住行咗出去自助吧研究吓。 第一眼見到有青口、泡菜、凍蝦，亦有芝麻八爪魚、中華沙律等餐前小食。 再行過啲，發現原來除咗燒肉外，可以有其他材料比大家玩埋錫紙火鍋。
飲品區除咗最基本罐裝汽水、紙包飲品，亦有近期大熱嘅冷泡茶。以我所見，最多人拎嘅係冷泡玄米茶同蜜桃烏龍茶。呢個時候，店員提醒一句“其實我哋仲有啤酒機，有無興趣試吓？”咁就恭敬不如從命啦。(後記最後我飲咗5杯啤酒)
出去自助區行得太耐，原來部份食物已經到咗。 先試咗可以即食嘅刺身盛，赤貝新鮮﹔三文魚夠肥切得夠厚﹔帶子同甜蝦正常。
海鮮盛包括鮑魚、甲羅燒、扇貝、蜆、九節蝦。 扇貝有手掌咁大；至於鮑魚亦已經預先清潔好，非常乾淨，可以食得好放心；九節蝦肉質新鮮爽口。
戲肉嘅安格斯拼盤終於出場，不論係安格斯牛小排，抑或係雪花牛舌，齋睇已經無得輸。可惜只可以食一次，無得再encore。
其實食完安格斯拼盤同海鮮盛之後已經感覺回本。但最後點都要order埋最愛食嘅燒菠蘿，一咬落去d汁直頭係標出嚟。
餐後仲有每人一杯雪糕😻
值得一讚嘅係：店員會喺爐上面放一張燒烤紙，咁樣做就完全唔會出現黐底情況，連難燒到極點嘅多春魚都完全無問題。 而且會自動自覺埋嚟詢問需唔需要換紙，非常貼心。
張貼
