蟹仙海鮮私房．蒸氣石碢 (環海大廈)

營業中

休息中

天氣涼左, 除左雞煲打邊爐之外, 最中意就係粥底海鮮鍋, 個幾日突然凍左好多, 食完成個人暖粒粒!蟹仙有幾間分店, 食過兩, 三次, 依舊保持水準, 仍然係成程有人幫手蒸, 過程流暢幾乎唔洗點等, 只需不斷食食食。第一樣蒸既野係~~~~ 餐具! 高溫消毒~我地兩個人叫左共十款海鮮既尊貴海鮮套餐$449ROUND 1 貝類+日本野生大赤蝦 第一次食蒸赤蝦, 入口好似保留左D刺身口感, 味道好鮮甜。 貝類亦全部好新鮮, 特別深刻既係大西洋野生青口, 未食過大隻得黎軟嫩帶爽彈, 味道咁鮮仲帶海水味既青口!澳洲龍蝦大隻多肉, 肉甜彈牙。店員話饅頭蟹較少有, 依隻SIZE已經有4歲多, 脹卜卜咁。食落原來冇乜肉, 但係佢既蟹味好香。相比下都係中意奄仔蟹, 有肉有膏有鮮味!有機蔬菜籃蒸蔬菜原汁原味更佞到菜既甜味。最後既粥出場! 份量好夠兩個人分每人都有2-3碗, 啖粥鮮甜不在講, 本身用上排骨熬煮更添咸香, 食完真係飽哂兼暖粒粒~ 椰汁雪燕雖然好飽但係都要食埋個糖水, 椰汁雪燕香滑, 感覺好滋潤。