影片
更多
2010-06-17
11 瀏覽
一行4人, 為1位壽星公慶祝生日, 上網睇過openrice, ”萬麗”都幾ok, 所以就訂咗呢間。個場幾靚, 枱與枱之間唔算好迫。一坐下就有人問你飲咩 (汽水、啤酒任飲), 我地個個都係飲汽水, 睇住佢一罐罐開出嚟咖.海鮮區 (基本上, 當你”夾”緊的時候, 師父會不停refill, 仲快手過你”夾”, 都幾驚會堆落地下)：長腳蟹：大部份都好多肉 (有時refill果d都會有”偏瘦”的情況, 不過唔多), 好多都啖啖肉, 又唔會係”梅”果隻。正, 我都食咗幾round長腳蟹。翡翠螺：好鮮甜、好爽口, 唔會”un”, 最離奇係通常螺類個尾尾(黑色)果d唔食得, 但係我地個個食過都唔發現有呢d唔食得的部位, 我地估係已經去除唔食得部位, 再放回個殼度, 但係”了”的時候, 又唔會話特別易”了”出嚟, 真係古怪。如果真係我地咁諗, 咁就真係太貼心了。生蠔：大部份都”靚靚仔仔”, 唔會好削, 無腥味。我自己選了d”飽滿”嚟食, 都ok, 我都食咗幾round。青口：對我嚟講唔吸引, 所以無食。龍蝦仔：味道ok, 唔會太咸。我亦都食咗幾round。刺身、壽司檔：壽司任”夾”, 不過我唔打算塞飽
海鮮區 (基本上, 當你”夾”緊的時候, 師父會不停refill, 仲快手過你”夾”, 都幾驚會堆落地下)：
長腳蟹：大部份都好多肉 (有時refill果d都會有”偏瘦”的情況, 不過唔多), 好多都啖啖肉, 又唔會係”梅”果隻。正, 我都食咗幾round長腳蟹。
翡翠螺：好鮮甜、好爽口, 唔會”un”, 最離奇係通常螺類個尾尾(黑色)果d唔食得, 但係我地個個食過都唔發現有呢d唔食得的部位, 我地估係已經去除唔食得部位, 再放回個殼度, 但係”了”的時候, 又唔會話特別易”了”出嚟, 真係古怪。如果真係我地咁諗, 咁就真係太貼心了。
生蠔：大部份都”靚靚仔仔”, 唔會好削, 無腥味。我自己選了d”飽滿”嚟食, 都ok, 我都食咗幾round。
青口：對我嚟講唔吸引, 所以無食。
龍蝦仔：味道ok, 唔會太咸。我亦都食咗幾round。
刺身、壽司檔：
壽司任”夾”, 不過我唔打算塞飽自己, 所以無食。
刺身由師父切比你, 我要了一轉三文魚 & 吞拿魚 (另外好似有鮑片、唔知咩魚)：味道係ok, 不過阿師父都好重手, 厚切得好緊要, 好飽。
另外有幾碟仔的蟹子、蟹柳、青瓜任你食。
有沙律吧, 可以自己加唔同汁去撈。不過個人嚟講就無興趣。
奇怪的是, 沙律吧與甜品之間, 有2個煲, 一個係叫”有機xx雞”, 另一個已經忘記。似係熱食的食物, 但佢又好似for凍食。所以, 我都係無”搞”佢。
有2款湯 (我對湯麻麻地)：
(中)粟米魚肚：有3個友人飲, 有1個encore咗。
(西)忌廉磨菇：有2個友人飲, 佢地話都ok。
有淥麵檔, 不過一來個師父有d黑面, 二來唔打算塞飽自己。不過大約七時多, 友人見到淥麵檔有好大隻瀨尿蝦, 咁友人就攞咗幾隻番嚟share。之後另一友人再去, 黑面師父淨係比2隻佢, 友人話要3隻, 黑面師父好唔順氣咁”pad”多一隻落個碗度比佢。黑面師父的態度真係唔多啱做服務性行業。
瀨尿蝦的確好大隻, 都幾鮮甜, 又多肉。
熱食：
我淨係食咗牛肉, 都ok, 加埋d薯角。
熱食款式1對手數得哂, 好似有咖哩雞、燒牛舌 (友人食過話麻麻地)….
甜品 / 生果 / 雪糕：
cake就睇相啦, 我就對cake一般。
我反而對Marcaron 有興趣, 試哂佢三隻味：都幾ok, 唔會話得個甜字。
仲有可以叫師父整pancake, 我無食, 不過友人食過叫好。
生果食咗：
西瓜：多汁, 夠甜, 好味。
蜜瓜：ok。
龍眼：麻麻地, 好少肉。
雪糕：
HD一杯杯任攞…好開心…我食咗2杯coffee、1杯朱古力。好滿足。
初時以為有汽水、啤酒任飲就唔會有餐茶, 但係原來都有咖喎, 所以要咗杯凍檸水做今餐的結尾。
總括嚟講：食物質數good, 不過海鮮居多, 熱盤選擇比較少 (即係如果同我一樣係海鮮怪就開心到爆, 不過唔係的話…最好都唔好嚟呢度食了)。環境ok, 不過有少少唔夠冷氣。Service勁好, 除咗淥(麵)嘢果位面黑黑的師父外, 其他個個都面帶笑容, 收碟又收得快, 會refill汽水。
Dinner buffet 6:30PM – 10:00PM)。 $318 + 10%。HSBC白金卡8折、HSBC、中銀、恆生85折。
張貼
