發哥粥底海鮮火鍋 (已結業)

媽媽一直話要食粥底火鍋，上網一查見到呢間都幾多選擇，可以先食刺身同雞煲，之後仲有近60款野食可以叫！先黎帶子，三文魚，甜蝦刺身唔係做日式為主都有呢個質素都真係算唔錯，都新鮮之後黎個雞煲，店員好好有問番我地辣度，仲教我地要一路炒將洋蔥同香菜炒埋一齊陣陣香味，份量好足又充滿醬汁，食落都夠香味食完之後立即轉個粥底打邊爐～店員再次好周到，叫我地叫左8樣野先，保持新鮮～其中海蝦，海沙白，花膠非常吸引海蝦非常新鮮，仲郁郁下咖，食落好彈牙海沙白勁鮮甜，仲要無沙！花膠大大舊，好足料，仲超貼心有個兜可以用其次日本黑豚肉同美國肥牛都肥瘦岩岩好，好完整好有肉味其他都好出色，連d菜都好幼嫩黎到重點嘅粥底原來係會加南瓜粟子同粟米再煮，因為已經有本身食過嘅海鮮同肉味，所以好夠味，超級正，自己整真係絕對唔會食到呢個味道，因為呢度d野真係超級新鮮！