118
2
3
港鐵九龍灣站 B 出口, 步行約10分鐘 繼續閱讀
所有分店 (2)
電話號碼
31888192
營業時間
今日營業
18:00 - 00:00
星期一至日
18:00 - 00:00
付款方式
現金
座位數目
160
其他資料
Wi-Fi
自帶酒水
外賣服務
加一服務費
電視播放
食評 (129)
朋友聚會,呢次嚟到九龍灣區嘅工廈食海鮮粥底火鍋。呢到日頭係茶餐廳,夜晚搖身一變成為火鍋店,除咗有海鮮粥底火鍋,仲有任飲任食雞煲!我地呢日揀咗發哥豪華海鮮套餐,有三個唔同價錢:👉🏻龍蝦餐(每位半隻)$278/位👉🏻海蟹餐(每位半隻)$238/位👉🏻大胃王海鮮餐(原隻龍蝦+原隻海蟹)$428/位最後我地揀咗龍蝦餐🦞套餐包咗開胃涼菜2小碟、時令燉湯一盅、蒜蓉泰醬焗青口;海鮮盤:龍蝦(半隻)、新鮮鮑魚/冰鎮鮑魚(二揀一)、多寶魚、海蝦、貴妃蚌、黃金蜆、蟶子王、時令貝;仲有一碟安格斯牛肩肉,同可以每枱任選八款火鍋配料。坐低冇耐,店員好快手,即刻拎左醬料/前菜/飲品俾我地:醬料分別有葱、芫荽、生蒜蓉、辣椒、炸蒜油、辣椒油。拍青瓜酸辣開胃。花生脆卜卜,一邊傾計一邊過口癮啱哂。自家制竹蔗水夠哂清甜;呢到除左有汽水任飲之外,連竹蔗水都有得任飲。仲有張粥底打邊爐海鮮時間表同電子計時器。開始打邊爐之前繼續有其他小食,包括:冰鎮鮑魚 - 鮑魚彈牙,味道鮮甜,配埋芝麻醬好清新。花膠雞螺頭燉湯 - 個湯好足料!好滋補!蒜蓉泰醬焗青口 - 青口爽彈,配埋蒜蓉泰醬,令人胃口大開!海鮮盤霸氣上場!有龍蝦,多寶魚,海蝦,貴妃蚌,黃金蜆,蟶子王;全部海鮮都十級新鮮,冇腥味。龍蝦多肉鮮味,貝類清甜彈牙,海蝦肉質十分爽彈,好鮮甜,多寶魚好嫩滑。安格斯牛肩肉肉質細嫩,油花呈現雪花狀,入口油脂甘香。美國肥牛,日本黑豚肉肉味香濃,有彈性。魚皮餃,自家制韭菜餃餃子質素同樣唔錯,餃子皮煙韌有彈性,餡料隻隻飽滿。娃娃菜新鮮乾淨。海蝦呢到既海鮮真係好新鮮!個人認為海蝦係必叫ITEM!炸魚皮香脆唔腥,就咁食都已經好好味。最後,店員會倒埋粟米、芋頭粒同南瓜粒入本身既粥底,好快就熬好一煲綿密既海鮮粥,味道濃郁鮮甜,幾飽都要食番碗! 繼續閱讀
(以上食評乃用戶個人意見 , 並不代表OpenRice之觀點。)
等級4 2019-09-22
421 瀏覽
男朋友最近成日都話想食海鮮火鍋,同事介紹咗間喺九龍灣嘅粥底火鍋俾我,話試過佢地嘅海鮮好新鮮!物超所值咁話,叫我一定要去試試!呢間火鍋位於九龍灣商貿區,德福戲院向Mega Box方向行過去,5分鐘都唔洗就到。呢到嘅粥底海鮮鍋有三款,價錢由$238-$428,第一次嚟食,我哋就揀咗中間價錢嘅龍蝦餐$278/位試試。🦀🦐🦞🦀🦐🦞🦀🦐🦞🦀🦐🦞🦀✨發哥豪華海鮮套餐-龍蝦餐$278/位🦞🦀🦐🦞🦀🦐🦞🦀🦐🦞🦀🦐🦞開始火鍋前已經有好多嘢食😂開胃涼菜2小碟- 酸辣青瓜,爽脆,酸酸辣辣,好醒胃!- 花生咸香脆口,食得過癮。時令燉湯一盅- 好足料嘅燉湯,有雞腳,螺肉,仲有花膠!蒜蓉泰醬焗青口(每人2隻)- 泰式辣醬蒜蓉焗青口,香濃惹味!呢到除咗汽水任飲,仲有自家制竹蔗水!竹蔗水味道清甜,味道夠濃,好足料!仲有計時器同時間表,咁就唔怕海鮮會煮得過老或者唔熟喇!海鮮盤,份量按人頭提供。- 龍蝦(每人半隻)- 新鮮鮑魚或冰鎮鮑魚- 多寶魚- 海蝦- 貴妃蚌- 黃金蜆- 蟶子王- 沙白海鮮真係非常新鮮!係每款都好新鮮!!!龍蝦大大隻,肉質雪白結實,味道好鮮甜😋貝類處理得好好,全部都食唔到有沙。冰鎮鮑魚,好彈牙,鮮味十足!安格斯牛肩肉油花分佈均勻,肉質嫩滑,牛味濃🤤每枱任選八款火鍋配料:- 日本黑豚肉- 美國肥牛- 魚皮餃- 自家製韭菜餃- 娃娃菜- 海蝦- 自家製蝦滑- 炸魚皮用咗粥底做火鍋底,出嚟嘅肉質特別嫩滑!黑豚肉肉味香濃,厚切令口感更實在;肥牛肥瘦相間,滑溜唔肥膩;餃子皮薄餡靚;海蝦好新鮮,鮮甜彈牙;炸魚皮好好食,又薄又酥脆。最後店員會幫手煮返個粥出嚟,雖然已經食到好飽,但呢個粥係全晚嘅精華所在,點都要食。味道鮮甜,粥底綿滑😋雖然呢到嘅火鍋配料唔係任食,但每款嘅食物質素都比出面高!而且份量仲好多!大家都食到好飽。最後埋單,一個人三百蚊有找!絕對係高質抵食之選! 繼續閱讀
(以上食評乃用戶個人意見 , 並不代表OpenRice之觀點。)
等級4 2019-09-18
301 瀏覽
接完男友收工,就到附近搵食。上網睇到附近工廈呢間發哥幾吸引~由於我們都唔係好中意食蟹,就選左(1人半隻)龍蝦餐$278 的粥底海鮮鍋~套餐包括率先遞上炆花生、涼拌青瓜開胃前菜。一人一盅燉雞腳瘦肉湯,無味精又足料。蒜蓉泰醬焗青口(每人2隻)泰底辣醬甜辣醒胃。每人會贈送一隻鮑魚,可以自由選擇食鮮鮑魚或冰鎮鮑魚。而我就選每款要1隻,試勻唔同口感。冰鎮鮑魚不用沾上麻醬就已經鮮味十足、口感彈牙,。飲品方面任飲到雪櫃自取,但款式唔算多。除一般汽水外,還提供解供無糖茶及自家制竹蔗茅根。粥底火鍋的米水底鍋已經來到。龍蝦海鮮拼盤望落色澤新鮮,龍蝦有膏外、鮑魚仲識郁。海鮮拼盤除龍蝦、多寶魚、海蝦、蟶子皇、黃金蜆、貴妃蚌、貝類。安格斯牛肉套餐包一碟!牛肉外貌望落普通,但想不到肉味好濃唔鞋口。 另選8款火鍋配料:自制墨魚滑食得到有墨魚粒粒有口感!滑牛肉嫩滑有牛味。豚肉都可以唔會鞋。大蜆比細蜆有鮮味,而且無沙。魚皮唔厚粉夠脆。食到大半店員幫我地加入米飯,芋頭、南瓜、粟米去熬粥,最後加入芫茜、菜甫拌勻。 粥底集合最精華的味道,除左南瓜、菜的清甜,仲食到海鮮鮮味。不過要有心理準備呢個套餐真係好飽 繼續閱讀
(以上食評乃用戶個人意見 , 並不代表OpenRice之觀點。)
等級4 2019-09-05
634 瀏覽
這間位處工廈的火鍋店,隱藏在九龍灣的大廈地下,門口還十分低調。$20的早餐,而任食的晚市火鍋亦低至$238,雞煲任食。我們二人選了貴一點的龍蝦套餐$278+醬料$15(1位)醬料選擇基本,莞茜大蒜辣椒等都有除此之外,還有附送的前菜兩碟,其一是花生,還有顆話梅在。另外就是青瓜,份量很多,所以這$15給的很值。之後上的是海鮮拼盤,最搶眼的一定是龍蝦,帶蝦膏的蝦頭跟彈牙的龍蝦肉。最出色的大蜆非常鮮甜軟滑,蟶子跟貴妃蚌件頭超大,感覺很抵吃。多寶魚雖然多骨,但非常稔滑,是個難度滿高的挑戰牛肩肉薄切的牛味很香濃,翻煮一會就可以吃,超快速ko完。另外還可以點8份火鍋配料,我們就選了黑豚肉 煙韌有嚼勁,口感一流自家制雲吞 蝦肉夠多,味道濃郁雞件 只要不煮過火,就是超滑!而且吃下去還帶點雞味,不會像雪藏雞生菜 油麥菜 都是很爽口多水份的菜,吃起來很不錯,但份量不足。順德釀冬菇 冬菇意想不到的鮮味,而且很juicy, 不過不是用鯪魚肉釀,似是墨魚滑,味道有點不同。蘿蔔 留最後吃會吃到其鮮甜味最後階段加入南瓜 粟米 芋頭,煮爛後加入粥底令粥變濃,南瓜跟芋頭的甜吊出味道,不過還是加點豉油比較好吃。 繼續閱讀
(以上食評乃用戶個人意見 , 並不代表OpenRice之觀點。)
等級4 2019-08-22
288 瀏覽
最近在九龍灣食過一間火鍋套餐,感覺材料新鮮又美味。餐廳座落於工業中心裏面,非常寬敞,裝修一派香港七八十年代的懷舊風格。每人各要了一個發哥豪華海鮮套餐龍蝦餐$278海蟹餐$238竹蔗水及各款汽水任飲。坐下後餐廳先送上涼菜兩小碟,有熟花生及爽脆鮮嫩的酸甜青瓜,十分開胃,為這一餐豪華海鮮套餐展開序幕。每人一盅雞燉湯,材料充足湯底清甜。蒜蓉泰醤焗青口,每位兩隻,焗青口非常多的醬料,非常惹味。海鮮拼盤當然會有主角龍蝦及海蟹各半隻,還有新鮮鮑魚、多寶魚、海蝦、貴妃蚌、黃金蜆、蟶子皇及蜆。各款海鮮材料新鮮。當中龍蝦肉質爽口彈牙。海蟹、鮑魚及海蝦新鮮又清甜。多寶魚肉質嫩滑。蟶子皇及貴妃蚌大大隻肉質帶爽又鮮甜。安格斯牛肩肉牛肩肉不會很肥,牛味頗濃。每枱八款火鍋配料,要了粉腸、牛柏葉、鮮滑雞、脆鯇骨腩片、多寶魚、滋補花膠2份及淮山。當中最愛帶爽口的牛柏葉。嫩滑的鮮滑雞。帶脆口感的脆鯇骨腩片。及滋補花膠,不過花膠腍一些會更完美。整體食完感覺材料新鮮,而餐廳創新的鍋底是由粥底做鍋底,所有食材入口都增加了帶軟滑的口感,服務員態度殷勤值得一食再食。 繼續閱讀
(以上食評乃用戶個人意見 , 並不代表OpenRice之觀點。)