滾爺火鍋 (上海街)

營業中

休息中

啲人話經濟唔好，香港食肆冇得做，繼我食完今餐飯，我想講嘅係呢間火鍋店真係有抗逆市能力！今日六點零鐘餐廳已經坐咗九成客，我真係嚇親！餐廳咁多人我心諗一係食物質素好得，一係價錢好抵食性價比極高！我食完今餐我嘅意見係食物質素真係非常之高！椰子雞鍋試過唔同嘅火鍋店覺得呢度係最好食嘅，可能佢揼本，整個火鍋湯底落兩個大椰青加兩個大椰王，一滴水都冇加，而且食材好高質，椰青椰皇都好新鮮好鮮甜，再加上珍珠馬蹄同埋椰子絲，再加上新鮮雞件，個湯底好甜，真係好想飲晒先開始打邊爐🤪飲晒啲椰子雞湯底后，餐廳再加湯底打邊爐嘅湯都食唔到有味精，都係好食嘅！除此之外，餐廳其他打邊爐配料都係新鮮嘅，難怪餐廳真係可以對抗逆境！