夢の丼 (已結業)

係附近讀大學的日子總係覺得附近少咗一間decent的日本料理餐廳！(⊙ꇴ⊙) 畢竟平價位嘅日本菜選擇係附近都唔少，依間餐廳嘅定價都會令人對餐點有所期待，好在完食後覺得係對得住價錢嘅～❝夢之丼❞ ($298)同店名一樣嘅丼飯，用料非常豐富！有蟹肉、魚籽、拖羅、甜蝦、三文魚蓉、帶子等等，全部用料都新鮮甜美，配搭起上黎一拼享用絕對係令人滿足嘅一碗丼飯～而且飯量非常多，女仔可能會勉強少少先食得哂XD❝花錦魚生丼❞ ($188)呢個丼飯相對上親民少少，而其實佢嘅用料都唔失禮，有三文魚、油甘魚等，雖然係角切魚生而非原片魚生，但勝在調味得宜又用料又自帶鮮味，加上有多種魚料組合而成，相當美味～❝火灸左口魚邊壽司❞ ($56 / 2件) 油脂感非常豐富，係完食後想encore嘅程度！ ❝油甘魚刺身❞ ($48 / 2厚切) 質素同樣不錯。❝深海池魚刺身❞ ($48 / 5薄切)夠特別，沾上醬汁更添風味。❝磯燒帶子 & 南非鮑魚❞ ($194) 係矜貴之選！鮑魚肉質緊緻有彈性，一分為二方便享用，非常貼心。𓂃𓈒 𓂂𓏸 夢の丼 𓏸𓂂 𓈒𓂃西環西營盤皇后大道西513號尼斯花園地下A舖港鐵香港大學站C2出口，步行