THE HUNTER

今日同朋友嚟到將軍澳一間很有型格嘅餐廳，整體體驗令人難忘。餐廳室內裝修相當有格調，用色簡約、擺設有品味，而室外仲有個露天用餐區，面向開揚嘅海景，夕陽漸沉時，喺海風吹拂下進餐，氣氛一流，打卡靚到冇朋友！餐廳選用高級新鮮食材，頭盤係吞拿魚他他，魚肉嫩滑，混合微辣嘅泡菜，口感層次豐富又清新醒胃，開個好頭。主食係麻花捲野菌黑松露汁，意粉捲成麻花形，每個凹槽都吸附住香濃忌廉汁，配合新鮮野菌同黑松露嘅香氣，芝士輕輕點綴，真係每啖都令人回味。至於主菜，美國1855黑安格斯prime級西冷扒熟成咗21日，牛味濃郁，肉質嫩滑富有彈性，外層更帶有炭香味，火喉仲控制得好好。總括而言，呢間餐廳無論係環境、氣氛，定係食物質素都令人滿足，值得推薦！