影片
更多
2018-09-22
66 瀏覽
一向都鍾意打邊爐，收工經過就去長沙灣搜尋美食，經過見到一間-喜點.鮮鍋粥底火鍋點心專門店，而且是剛剛開業，門面非常搶眼，出面有得泊車或者泊入附近嘅停車場。店員態度殷勤親切，隨即安排我哋坐卡位嘅位置，餐廳入面燈光非常耀眼，以黃黑色為主，感覺舒適。餐廳店員推介粥底火鍋之任食任飲套餐，有兩個價錢選擇，我哋最後揀選左套餐每位$258，限時2.5小時，好抵食。見到餐廳嘅雪櫃入面有一支支新鮮嘅涼茶、豆漿同埋竹庶水等，當然我都唔少得要新鮮「竹庶水」，原來餐廳嘅涼茶係日日新鮮煲起再放入雪櫃，所以打邊爐都唔怕熱氣。首先就嚟咗個粥湯底，後來套餐中嘅食物慢慢上菜。套餐有八款新鮮海鮮，包括生猛龍蝦、新鮮鮑魚、貴妃蚌同埋生猛海蝦等等。欣賞係龍蝦半隻都已經非常大隻，肉質鮮甜美味，而且爽口彈牙，果然非常新鮮。除此之外，仲有55火鍋配料選擇，我哋就揀咗不同款式嘅火鍋配料。牛魔王必定要叫新鮮肥牛，肥牛好大片之餘，見到牛嘅條紋呈現半肥瘦，食落去牛味道香濃，而且肉質鮮嫩，正。當中有我最鍾意嘅即炸響鈴，只需要放入火鍋湯底灼3秒鐘就食得，食落去外脆內軟。韭菜餃入面有好多韭菜粒同鮮肉，皮一啲都唔厚，好足料。魚腐有八粒大大粒，一放
一向都鍾意打邊爐，收工經過就去長沙灣搜尋美食，經過見到一間-喜點.鮮鍋粥底火鍋點心專門店，而且是剛剛開業，門面非常搶眼，出面有得泊車或者泊入附近嘅停車場。店員態度殷勤親切，隨即安排我哋坐卡位嘅位置，餐廳入面燈光非常耀眼，以黃黑色為主，感覺舒適。
餐廳店員推介粥底火鍋之任食任飲套餐，有兩個價錢選擇，我哋最後揀選左套餐每位$258，限時2.5小時，好抵食。
見到餐廳嘅雪櫃入面有一支支新鮮嘅涼茶、豆漿同埋竹庶水等，當然我都唔少得要新鮮「竹庶水」，原來餐廳嘅涼茶係日日新鮮煲起再放入雪櫃，所以打邊爐都唔怕熱氣。首先就嚟咗個粥湯底，後來套餐中嘅食物慢慢上菜。
套餐有八款新鮮海鮮，包括生猛龍蝦、新鮮鮑魚、貴妃蚌同埋生猛海蝦等等。欣賞係龍蝦半隻都已經非常大隻，肉質鮮甜美味，而且爽口彈牙，果然非常新鮮。
除此之外，仲有55火鍋配料選擇，我哋就揀咗不同款式嘅火鍋配料。
牛魔王必定要叫新鮮肥牛，肥牛好大片之餘，見到牛嘅條紋呈現半肥瘦，食落去牛味道香濃，而且肉質鮮嫩，正。
當中有我最鍾意嘅即炸響鈴，只需要放入火鍋湯底灼3秒鐘就食得，食落去外脆內軟。
韭菜餃入面有好多韭菜粒同鮮肉，皮一啲都唔厚，好足料。
魚腐有八粒大大粒，一放落湯底浮在湯底面，口感相當煙靭彈牙。
食完海鮮同埋火鍋配料，最後粥水就變咗好新鮮嘅粥，再加埋粥底配料有南瓜粒、粟米粒同埋蓮藕粒等等，就變成好鮮甜嘅海鮮粥。海鮮粥非常鮮甜，食到剛剛食完嘅海鮮鮮味，滲入晒係粥底，我一口氣食咗兩碗了。
埋單五百幾蚊咋，粥底火鍋套餐果然價廉物美，咁豐富嘅海鮮同埋食物，加上不得不讚的是店員服務態度超好，非常體貼，真係超值啊，所以極力推薦位於長沙灣嘅呢一間「喜點.鮮鍋粥底火鍋點心專門店」！
張貼
