影片
更多
2020-12-02
16 瀏覽
話說約咗朋友星期一食個飯，盡訴Blue Monday 嘅返工血淚史。朋友：今晚去食日本野啦。我：好呀，想食邊間？朋友：日本野啦。我：？？？原來呢間餐廳真係叫日本野，一入門口映入眼簾係和風裝修，大量嘅木家私令人有一種溫暖嘅感覺。 1. 石燒吉列霜降牛小排石燒牛早喺幾年前已經係日本當地食過，但香港都係近呢一兩年先盛行。作為招牌嘅石燒牛當然要試試，香脆嘅吉列皮外層包住脂肪比例均衡嘅牛小排，絕對令人垂涎三尺。店員會先預熱好石燒，唔需要等太耐就已經可以開動。個人比較喜歡食 Medium Rare, 牛嘅肉質不俗，牛味重而且油份味道香濃，經石燒後嘅吉列外層再添上一份香口感。 2. 和牛壽喜燒食日式料理，基本上食一個壽喜燒已經係指定動作。呢客和牛壽喜燒誠意十足，兩大塊和牛大過手掌，再加配雞蛋、鳴門卷、豆腐同日式野菜！偏甜嘅湯底，反襯返牛嘅香濃嚼勁，天氣凍凍地食完全啱哂feel。 3. 厚燒鰻魚玉子玉子燒可以話係我最喜愛日式料理嘅最後五強。新鮮煎好嘅玉子燒蛋味香甜而且鑊氣香，中間夾心嘅係醬燒饅魚，最邪惡嘅仲要配埋黑松路蛋黃醬，食完一嚿已經停唔到口再食第二嚿。 4. 和風炒野菜食咗咁多肉一定要炒返碟菜食
朋友：今晚去食日本野啦。
我：好呀，想食邊間？
朋友：日本野啦。
我：？？？
原來呢間餐廳真係叫日本野，一入門口映入眼簾係和風裝修，大量嘅木家私令人有一種溫暖嘅感覺。
1. 石燒吉列霜降牛小排
石燒牛早喺幾年前已經係日本當地食過，但香港都係近呢一兩年先盛行。作為招牌嘅石燒牛當然要試試，香脆嘅吉列皮外層包住脂肪比例均衡嘅牛小排，絕對令人垂涎三尺。店員會先預熱好石燒，唔需要等太耐就已經可以開動。個人比較喜歡食 Medium Rare, 牛嘅肉質不俗，牛味重而且油份味道香濃，經石燒後嘅吉列外層再添上一份香口感。
2. 和牛壽喜燒
食日式料理，基本上食一個壽喜燒已經係指定動作。呢客和牛壽喜燒誠意十足，兩大塊和牛大過手掌，再加配雞蛋、鳴門卷、豆腐同日式野菜！偏甜嘅湯底，反襯返牛嘅香濃嚼勁，天氣凍凍地食完全啱哂feel。
3. 厚燒鰻魚玉子
玉子燒可以話係我最喜愛日式料理嘅最後五強。新鮮煎好嘅玉子燒蛋味香甜而且鑊氣香，中間夾心嘅係醬燒饅魚，最邪惡嘅仲要配埋黑松路蛋黃醬，食完一嚿已經停唔到口再食第二嚿。
4. 和風炒野菜
食咗咁多肉一定要炒返碟菜食吓。剛剛好呢個係二人份量同朋友撐枱腳就啱哂。野菜種類算多，但炒嘅火候控制一般，有待進步。
石燒吉列霜降牛小排同埋和牛壽喜燒都會跟餐附上沙律，味僧湯，白飯同烏冬，兩個人食份量剛剛好。
張貼
