十和田 (已結業)

之前食過尖沙咀店，今次近近地去咗新蒲崗分店繼續食。最鍾意食呢度嘅茶碗蒸，貪佢夠滑同埋蛋味好濃郁。今次是海膽茶碗蒸，肥美嘅海膽鋪喺蛋上面，未食已經覺得好震撼。海膽好鮮甜，但唔會搶咗蛋嘅香味，各有特色。生松葉蟹腳壽司 - 好新鮮，食到一條條蟹肉絲，唔腥。三文魚手卷 - 三文魚肥美，$38有三塊，都幾抵食。唐揚炸雞烏冬 - 炸雞好Juicy，一啲都唔乾，唔使點沙律醬都好夠味。烏冬好彈牙，最鍾意個湯，係壽喜燒味。炸蝦卷 - 炸蝦夠脆，蟹籽都好爽脆。