泰.夯蝦 (已結業)

Book左平日中午流水蝦放題，原來近期星期一至四中午時段1200-1700可無限時任食7折左後成人每位$310，時間非常充足可以慢慢食慢慢歎，鐘意食大頭蝦、串燒同烤肉就一定要嚟試下，啲大頭蝦喺水缸源源不絕供應新鮮生猛，仲有帶子、生蠔同蜆任你燒，總之連埋飲品、小食、甜品包羅萬有集於一身，可以盡情咁食個痛快，另外喺社交平台分享同提前訂座仲有鮑魚送，店員服務都ok，唯一麻麻既地方就係現場人多夾蝦時啲水彈哂落地搞到行人通道濕立立，如果可改善返呢點就好了。