大榮華圍村菜 (已結業)

想食大榮華好耐，元朗又嚴遠。 終於有朋友約老公同我去食。 一星期前已預訂位，此店分兩段時間，六點半同八點半。 原本想食八點半，點之滿咗，唯有食六點半喇!六點半去到，已「全院滿座」，非常多人。 說明遲到五分鐘唔留位。 而且只收現金。 服務不錯，其中服務我們的姐姐好有禮貌，亦很健談。 推介既餸菜全部都好好味道。 此酒家有六人和十二人全包套餐(除加一)，非常底吃。 我們四人唯有散叫。盆菜豬肉，味濃而香滑，用來形容此腩肉絕對無誇張。 底部既芋頭，入味非常。圍頭五味雞，雞滑多汁，沒有雪味，好好味道。頭抽蝦和烏頭魚亦不錯。豬油撈飯，一砵飯加一湯匙頭抽和一湯匙豬油，撈撈撈，超香，無諗過味道咁得，不過由於太唔健康，只吃一次，下不違例。奶王馬拉糕超正，熱烘烘上枱，蛋香而不甜，推介推介!下次一定集齊人數再去食過!!!