盈翠軒 (裝修中)

已經係第二年嚟呢度食佢嘅大閘蟹放題,原因好簡單, 價錢經濟加上有其他選擇, 所以都鍾意同朋友一齊嚟呢度食。佢有兩輪, 六點同八點, 因為打電話去book枱, 都幾難book, 最後訂咗八點尾輪, 可能係尾輪, 食得好匆忙, 一坐低就上咗四隻蟹, 跟住不斷上其他菜。因為掛住食影唔到其他蟹羹,炒飯, 蟹重大約三兩至四兩, ok無要求因為每一隻膏都多, 但係服務就無可言, 感覺佢係只會服待熟客, 佢會不斷推啲蟹出嚟但係侍應唔會問你要幾多隻只係隨心畀兩隻或者四隻, 朋友多次要求要多兩隻但係每次推到我哋枱前就已經冇曬。因為只係掛住食蟹, 其他就冇乜機會食到, 所以好難去評論。但係好肯定佢一次過放曬啲食物上嚟已經全部凍曬, 鮑魚好一般, 亦都冇期望。我比較喜歡佢嘅蟹肉燕窩羹, 係見到有蟹肉同燕窩嘅, 分量都唔少, 好味。失望點係佢last order唔會提我哋, 到朋友主動問佢哋要多幾隻蟹時, 佢哋先至話九點半後唔可以再order, 不斷催我哋走因為收十點, 坦白講冇下次。