漁牧 (已結業)

今日約左幾個朋友仔出嚟食飯，見平時大家都好少食川菜，所以就決定去呢間食下川菜先。揭開menu見到呢味叫漁牧混豬覺得個名幾得意，於是叫左一碟細份量嚟食。其實呢味漁牧混豬係乳豬再加埋下邊有d糯米飯再配搭三種唔同味道既醬。有平時既乳豬醬，仲有應該係綠茶醬同蜜糖芥末醬，d 醬好味得嚟又各有特式。而乳豬既皮又燒到卜卜脆。呢味絕味雙菇食落甜甜地辣辣地，十分惹味開胃。仲有呢個魚湯浸時蔬，魚湯鮮甜，食完小白菜之後忍唔住要飲埋d湯。最後嚟個甜品三色配，由涼粉，紅腰豆，紅豆同豆腐花整成。咸咸地既紅腰豆配埋其他甜甜既食材，諗唔到幾種材料夾埋一齊味道又幾夾。