幸福班戟 (已結業)

今次係第一次食幸福pancake，次次經過利苑都好想食但每一次都係排長龍今次同朋友一點到去食唔使排隊可以直入裏面環境好好，夠大，同另一張枱嘅人距離夠濶！而家出街食野安全都好重要，食得好心因為第一次食我叫咗原味pancake，我朋友叫咗香蕉朱古力味個pancake有三大舊，食落口真係非常之鬆軟，軟林林同埋佢有一種疏乎厘嘅感覺所以食完其實唔會覺得太溜！原味係配有一白色圓波，初初以為係雪糕，其實唔係，又係係cream, 雖然我都唔知係咩另外佢都有配糖漿嘅～而香蕉朱古力同pancake本身係天作之合所以係非常之好味！唔怪得日日排長龍～