麵屋一平安 (已結業)

星期六1:40 pm去到，門外有人等緊位，心叫不妙，有排餓了，幸好原來吧檯不用等，二人即入坐低睇餐牌叫野食等食!星期六都有lunch set!讚!我叫左mini熊本拉麵+御漬飯，恨食一平安豬骨湯拉麵幾個星期了(到目前為止，我認為一平安豬骨湯在香港係最合我口味了!當然相比日本還欠一大截!食友們有否其他好介紹？)麵一上，太幸福了，我恨左好耐的豬骨湯拉麵真係好好味!彈牙有口感，湯底比前淡口了，濃d好吧!不過我都完成整個湯呀!!推介~推介~御漬飯=有汁飯+漬物+鹵水肉+溏心蛋，珍珠米有咬口，鹵水肉少肥，溏心蛋賣相極佳，可能食完拉麵後都飽左7成，所以這個飯唔會令人「叮」一聲，不過要重申：是好味有水準的。仲有跟餐的生菜粟米沙律，我將它一併倒落湯底撈食，這是我的騎呢食法，一字記之曰：「正！」友人叫左豉油拉麵＋咖喱豬排飯，拉麵方面，論外型，我的拉麵比他的稍勝，味道他評價為好味！佢加＄１０加大個麵而又食完得快過我，縱使無飲清ｄ湯，都深信好味！咖喱豬排飯，我食左一小塊豬排，普通吉列ｆｅｅｌ，無大特別，不過配合日式咖喱及珍珠米，便就是平凡之中的不平凡囉！凍檸茶＋＄２，可樂＋＄８，化算嗎？見仁見智吧！