成都老碼頭火鍋 (已結業)

本來想試來自新加坡嘅美滋鍋，但係侍應話要等兩個鐘，所以轉為嚟咗成都老碼頭。今次係我第二次嚟打邊爐，對上一次都係宵夜時段黎，嗰陣時新開張等得比較耐，今次黎就唔使等，同埋一樣都有六幾折。前菜個皮蛋幾好食。叫咗鴛鴦湯底，分別係花膠湯底同埋麻辣湯底。椰汁沙冰等左好耐先有，都算係可以解辣嘅。呢個係牛脊肉，$188其實得幾塊，定價比較貴，肉質就同一般牛肉一樣啦，不過就唔鞋口既。依個菌類係加$10特價，冇乜特別咁。凍嘅魚皮，個皮好硬，但調味做得幾好，可能雪耐左。叫咗啲菜類。蛋餃都幾好味嘅，入面啲餡都幾多。四川臘腸個味有少少怪，同打邊爐好似唔係好夾。食完之後好口渴，同埋個胃又係好痛，朋友本身好食得辣嘅，都話個湯好鹹，應該唔會再試啦，埋單都算平嘅，$600幾蚊。