影片
更多
2011-12-28
一行13人預 book 5:30pm-7:00pm時段，唔駛等，坐晒窗邊一排，可以準時開始。待應唔多，但無乜客，形勢ok。無幾耐就有三品泡菜，仲有牛肉2碟。跟住就開始覺得好多煙，但又唔散，好似無乜抽氣。牛肉味道一般，應該唔算係頂級。唔駛幾耐就食晒。之後就差不多得個「等」字。一開始任食order就話賣晒豬肉（未夠6點喎）。待應開始無乜反應，叫極都唔應。叫安排熱開水，等到頸都長埋，嚟咗6杯，跟住被通知係得咁多，因為唔夠杯！追問啲肉點解成10幾20分鐘未到，答案：師傅執緊！當然食唔飽，咁就要再order,速度、反應、碟頭都可以想象到比之前一次差。香草雞肉算最好味，但第二次上的切得過厚令味道大減。雞翼開半，原本已經唔大隻，不過就變成一口雞翼，快熟，但無乜味。其他肉類，都係細碼；肉質新鮮，但無乜味道，要靠醬油。叫湯：黑松露 - 賣晒；剩得西蘭花、蘑菇、味噌湯。味道ok，但份量少兼唔夠熱。西蘭花湯最好味。叫飯：先來4碗，跟住缺貨，其餘差不走先送到。人客多了，亦覺得好大煙。叫奶涷：來了7個，待應（又）話賣晒，跟住走咗去。終於由另一位哥仔建議用雪糕代替。奶涷好濃味，但原個兜好淺，一般人應該唔夠喉。一啲
無幾耐就有三品泡菜，仲有牛肉2碟。跟住就開始覺得好多煙，但又唔散，好似無乜抽氣。
牛肉味道一般，應該唔算係頂級。唔駛幾耐就食晒。
之後就差不多得個「等」字。
一開始任食order就話賣晒豬肉（未夠6點喎）。待應開始無乜反應，叫極都唔應。
叫安排熱開水，等到頸都長埋，嚟咗6杯，跟住被通知係得咁多，因為唔夠杯！
追問啲肉點解成10幾20分鐘未到，答案：師傅執緊！
當然食唔飽，咁就要再order,速度、反應、碟頭都可以想象到比之前一次差。
香草雞肉算最好味，但第二次上的切得過厚令味道大減。雞翼開半，原本已經唔大隻，不過就變成一口雞翼，快熟，但無乜味。
其他肉類，都係細碼；肉質新鮮，但無乜味道，要靠醬油。
叫湯：黑松露 - 賣晒；剩得西蘭花、蘑菇、味噌湯。味道ok，但份量少兼唔夠熱。西蘭花湯最好味。
叫飯：先來4碗，跟住缺貨，其餘差不走先送到。
人客多了，亦覺得好大煙。
叫奶涷：來了7個，待應（又）話賣晒，跟住走咗去。終於由另一位哥仔建議用雪糕代替。奶涷好濃味，但原個兜好淺，一般人應該唔夠喉。
一啲都唔覺得有啲咩嘢服務水平、態度，與去其他「任食」餐廳的感覺，很、、遙、、遠、、。好彩屋企有即食麵，唔係唔知點算。十幾人約埋食飯攪成咁，真掃興。
建議：加大食材份量，可考慮調整售價；總比食唔飽、掃慶好。改善抽煙，訓練員工總要俾顧客一個答覆、安排，唔係講句「賣晒」行開就算。
題外話/補充資料：
P.S.女生排長龍去洗手間，總於要征用埋男廁。
(以上食評乃用戶個人意見 , 並不代表OpenRice之觀點。)
張貼