新派燒肉專門店 (已結業)

申請帳號之後，從無寫過食評。因為覺得對餐廳食物質素，我一向都沒什麼問題，可以說，正正常常就可以，不用要好食到大叫媽媽咪啊～～今次第一次寫食評，是寫警剔世人，這間餐廳不可以去。話說早前在團購買了$148/人，主要是貪佢可以無限小時，方便和朋友聊天，以及可以試燒肉、刺身、西餐熟食當日去到，餐廳環境是不錯，有悠閒的音樂，好有格調心想，今次沒買錯！但是當食物來到時，就知道…媽啊，為什麼不是我所想的？1.泡菜乜乜炒飯，鹹過我2.黑松露...意大利飯，根本係濕哂既飯，仲慘過海底奇兵3.意粉，就不過不失，食得落口。4.燒汁牛脷，正常。5.全部燒肉唔食得，無味、有味既都係奇奇怪怪，可能我地食唔慣啦！6.三文魚，正常。壽司，正常。7.汽水，係我地覺得最好味既！8.所謂任食Mövenpick 雪糕，店員話，係無！！！只係求其唔知邊到拎左碟就黎融哂既雪榚出黎！！連最後一樣好食既希望都無埋！！！而最後埋單係148+49+3X，唔鬼記得實數啦！總之就差唔出一個人成220-230到！！咁既價錢，出面大把好野食，仲要有正正常常既雀巢雪榚！都好過唔知乜鬼野筆出黎既雪榚！

原本跟朋友在厚福街想找日式放題但人流很多,唯有跟朋友走到厚福街的盡頭停底討論原來盡頭是一座大廈都約10點,但還有人在派傳單..看到這間的單張一句"日法式放題"放題有法式都是第1次見,所以就試試上到去,看到全場都是燒烤??原來它的"放題"是燒烤放題,而不是自助形式的熟食為主的放題全場以黑色為主,配上水晶吊燈有種真的身處法國餐廳的感覺..每人都有配燒汁和油..但最後都沒有落過油..因為不知如何倒油落烤爐...menu就只有4張,有意粉,飯,刺身,沙律和燒烤的肉等等...飲料只有特飲豆腐沙冰和汽水豆腐沙冰-根本是豆漿+碎冰很甜...有少少豆味南瓜忌簾湯-佈滿粟米蓉,忌簾很香,但沒有南瓜味蟹籽沙律-份量有點多,生菜很新鮮,很乾淨燒烤的肉類選擇很多元化西柚,香草,芝士,燒汁等..對我而言...真的食不出分別只見每碟肉都滿是黑椒個人很喜歡牛舌和魷魚牛舌和魷魚都很清爽,魷魚好有咬口所有牛肉的脂肪分部很均勻,口感不錯一口牛有點韌,但都好入味雞肉也很嫩滑!另外白酒煮青口就一般,有沙但有個日本青瓜不錯!汁很入味刺身甜蝦不算鮮甜,而三文魚比較厚身,但不都算新鮮落order是以"人"為單位,開頭還以為份量會多

Sashimi唔新鮮Sushi冷飯大大舊，肉細細塊青口唔新鮮，入面仲要係清唔乾淨蟹肉意粉有蟹殼碎湯係涼的燒肉算過得去環境ok，乾淨埋單一人262到，唔值得，唔會再光顧

一坐低都只係見倒個menu都係正常既任食野，之後發現有得加錢有多d正野，咁就緊係加啦只不過四五十，冇所謂啦，e間野有個聽落幾特別既就係個意式既生牛肉，本人就發現冇其實唔算d乜，好似食緊一舊冰塊咁，冇咩味，不過講反重點先，就係加錢既野，果塊牛肉不得子啦，肥瘦分怖勁靚，只係加五十蚊仲要有得任加d咁正既牛絕對低食，燒完食真係唔係太識形容，只可以講反句，好有牛味呀

本來今次食生日飯一行六人係打算6點去極尚大喜屋食放題不過無book位, walk in 排隊又無位咁朋友就話去厚福街睇下有咩食去到樓下有位南亞人士派傳單見佢用唔純正既廣東話好落力咁推介話係日、法結合既fusion菜一行人又廢事再揀黎揀去就抱住一試既心態上去試下日式同法式點樣樣fusion法上到去,燈光好暗一入去已經聞到幾大陣燒烤既油煙味不過都接受到本人係超憎食煙果d煙味去酒吧一聞到就會走果d人黎但呢到既油煙味都尚算接受到咁燒肉店點都會有味既不過我覺得個抽氣系統可以做好少少講返環境,鋪面唔算大,我估計只可以坐到40-50人驟眼一睇成個場得5成滿心諗中伏因為正常黎講係人都知一間鋪頭既評價係同入座率成正比既(所以極尚大喜屋full到book唔到)仲要係星期六咁唔黎都黎左咪試下價錢係$238一位,我地一行六人,買六送一所以可以免一個錢~(嚴格黎講係應該叫買五送一? 因為食荃灣漁屋放題有買六送一,不過要係total七個人,算啦語法既野就由佢啦)佢仲有一個就係生日2星期內果位可半價,不過我地買5送1抵d侍應姐姐好落力sell我地加唔加50蚊有無限野飲同食物升級不過我鍾意佢既語句,佢介紹完就話你地有

以前總覺得燒肉呢樣野難食都有個譜, 但自從幫親過韓食家之後, 好多野都改觀曬. 一入去服務已經一般.你老闆做優惠就麻煩你大方一點, 所有食物都是迷你版我唔知道你無優惠時候係唔係都咁細, 正一孤寒精.如果抵食有負分, 我一定唔止比負五分. 真係未嘗試過三丁友叫十幾二十樣主菜都食唔飽, 每人八百蚊食香格里拉都得啦!餐湯, 野菌湯, 細細碗幾好飲.生蠔亦都好新鮮, 不過頗細小. 大蝦意粉, 一中型蝦同本人講大蝦, 意粉都唔知道有無二十條, 而且唔係好長, 味道一般但性價比太差.一口牛, 阿邊個老闆, 這一口是嬰兒的口嗎? 得一釐米立方的牛肉幾舊這是開胃菜嗎?黑豚肉豬柳, 手指尾咁粗長的豬柳真的大開眼界, 要煎個幾條咁袖珍的豬柳應該好靠廚師功力.牛肋骨, 呢個係本人蠢, 話明係骨頭就算無肉都正常, 好肯定講肉的總和一定少過二十克.這些食物當然不飽, 所以再加倍份量, 其實都係不飽, 不過無奈金錢不是無限以及人不是咁蠢所以算了.講返上面的肉類味道, 等級應該中等吧, 不明白為何好似超級珍貴的比咁少.炸豆腐, 豆腐幾多錢? 咁都要比得咁少! 上菜速度很慢, 但見你食到差唔多又企圖趕你走, 真心無賴

上網見到有團購，於是就買左2位120分鐘任食，book左8點，因為係分2個時段，我地就決定食8至10點，但去到就要等上一round埋單先有得入，大約8點10分終於入去。呢間除左可以食烤肉，仲有意大利同日本ge野食，甘我就咩都叫d，刺身，牛油粟米，黑松露炒蛋都好快到，呢個炒蛋亦好好食！但烤肉就等到搭半都未有，就開始催促，催左3次先黎，仲要每次侍應話幫我跟，但就無左回音，終於等到，開始燒豬頸肉，雞軟骨，牛仔骨，牛舌。全部都5好味，除左雞軟骨口感ok之外，其他真係好難食，d肉完全無味後來再叫左雞翼，係肉類之中最好食架喇，另外再叫左意大利野菌焗飯，呢個亦係好食！總結，唔會再黎，烤肉唔好味，冷氣唔夠，好彩老闆開左個大風扇俾我地先無甘辛苦！價錢貴，唔值得

今次是第二次來食,但非常失望,下次都不會再來食!不會推薦朋來.第一次來的時候,整體感覺是不錯的,食物新鮮,夠熱,氣氛蠻有情調的, 所以今次介紹朋友來食一番.怎料,今次留下了不好的印象,失望而回.我是在團購有coupon, 因為價錢比walk in平數十元,就買了$148的coupon,滿4人就會送一客生蠔.當天到達餐廳,第一時間只感受到一股熱氣,聞到重重的bbq味,整個餐廳都煙霧迷漫,很焗束很熱,發生甚麼事???心想.....今次糟糕了.....必定食得不爽....原來冷氣壞了,看見他們放了座地風扇散熱氣,但其實是沒有作用的, 熱到不行.入座後, 即點食物,正要點飲品時,汽水基本上是任飲的,但竟然沒有可樂說沒有貨了.我們滿4位,心想他們會自動送上生蠔,所以我們一直在等,怎料, 一直等...等....都沒有送上.另外,這裡有燒物,但發現所有肉類都不太新鮮,燒起後,沒有肉的質感跟香口,很失望.至於刺身,都是不新鮮的,刺身不夠凍,三文魚只屬一般,甜蝦...難食,很硬, 之後我們不敢再點刺身了.去到熟食,不明白為什麼食物是暖的, 完全不是熱的, 連最簡單無難度的牛油栗米都不好食,帶點酸味怎搞.

今日約左粉絲喺呢頭傾下心事~路經厚福行知道呢棟樓開左好多新食店,所以行過黎望望~睇下有冇驚喜...嗯~ 5點鐘確唔係周圍都有野食~~我地由最高的開始向下掃,.好多餐廳都未開始晚巿~無意間停左喺呢層,又打開左門見黑抆抆都諗住閂門就走,點知有服務員小姐同我地講歡迎光臨...噢~我地問佢係咪可以食飯~佢話係喎~真係難得~相信呢d係緣份啊~~餐廳主要係以黑色同紫色做主調~閃閃的水晶燈,氣氛好浪漫...差d連粉絲個樣都睇唔清楚.我地可以話係全餐廳唯一的客人~哈!~所有人都好集中咁服務我地...~介紹完收費,我地就開始搵野食~燒肉放題~拎黎燒的豬牛鷄款式算多~改少少調味就係另一種款~~哈!~只係羊款就欠奉~食物上枱時賣相唔差,唔會一堆肉咁堆埋一齊,令人難以分辦,可能我地係難得的客人~所以放得特別精緻~各種燒肉新鮮有味道~而且唔會覺得醃左好耐~更做到每種唔同醃料的特色!唔錯~刺身 - 新鮮唔腥,唔會太薄切,食得出魚肉的質感, 款式唔係太多~ ~始終唔係日式放題,品質一般熟食部份好多款式~ 有好多意大利飯同意粉~呢d真係嚇怕我地~見到都飽了~其他菜色名字相當吸引,好多以黑松露同芝士為主~令我好有衝動去

返到屋企，老公話一定要上去寫出來俾其他人知道，唔值呢個價錢。。。所以特登註冊一個account，唔寫真係對唔住其他人！上團購買佐特價一個人$148，特登4個人一齊去試，一坐底，有個女仔行埋黎就話加一要每人另加$59，另外想食比較好的海鮮就要加多50每個人，但係生蠔或者牛扒只可以揀一樣，四個人只可以同時揀牛扒，一係就同時揀生蠔，唔可以各揀個噶，家姐唔食牛肉，所以討論下決定食生蠔，點知其實就係最唔應該揀呢個(´･_･`)啲生蠔一上來賣相就唔得，唔新鮮，燒出來勁難食，冇嘢講。。。好啦，諗住刺身每樣叫少少黎食下，我啲四個人要4份三文魚，點知原來四份就係四片，四份甜蝦就是四只，又唔新鮮，不過相比其他刺身，三文魚同甜蝦已經算冇選擇之中噶選擇。。。冇辦法唯有食飯，個名聽來超好聽，黑松露野菌炒飯，上到來怪怪地噶味，和牛炒飯就是豉油炒飯，唯有泡菜豚肉飯算OK。。所謂黑松露野菌湯。。。唔講了，大家明白。。。每個人加50文啲飲品得汽水同埋豆腐沙冰，原來豆腐沙冰就係超級無敵甜噶豆漿加沙冰！！！實在冇辦法，唯有食多幾碗沙律點知限定兩個鐘，8點開始食到9點2,就已經過來話last ordertotal買單四個人團

上團購見到有特價一個人$148，就同老公一齊走去試下，一上到去，唔駛等位,都覺得怪怪地，仲以為好多人食，點知一座底，有個女仔行埋黎講收費，就話加一要每人$59，另外想食"另類"海鮮就要加多50，就話可以任食生蠔或者牛扒，咁其實同出面食都差唔多，所謂既團購加埋一再加$50就其實根本都無平到同出面食燒肉個價差唔多。好啦，諗住每樣叫少少黎食下啦，牛肉就叫2人份量，雞肉就叫1人份量，再加d熟食。首先講講個牛肉仲差過我係街市買果d肥牛，中間d脂肪厚到我以為係花腩黎，勁難食。牛舌都算正常。跟住到個雞肉，無特別，但係我叫一人份量，諗住試3類個雞，點知居然比成塊雞扒咁大舊既比我地，3大塊碎上。牛肉2人份量都係得果4塊，攪到我同我老公焗食雞肉。熟食，樣樣熟食都勁大碟，驚死你食晒佢d海鮮同牛肉咁。叫左個飯試下,居然同出面街d碟頭飯咁大蝶。我真係勁不滿！之前食過2間燒肉都無咁差，係呢一間食果d牛肉食完2舊我已經唔想食。超失望！以後唔會黎呢間！

如題, 原本是連食評都無意欲寫, 只想直接給喊樣但因為一定要寫了才可揀喊樣, 所以... 順便寫幾句好了總括而言1. 在openrice網上, 2次電話confirm booking 中和叫我們 last order時都無提及過有限時 (現在想起放題普遍都會有限時, 當我天真但我真的無此意識, 直至某侍應在我們還有至少2碟燒物時忽然殺過來說 "你地宜家要交枱喎")2. 無服務可言, 眼看有2位女侍應, 一個應是新人, 很有禮勤力但很生手; 另一位黑面姐姐可能在這裡工作得很痛苦, 整晚表情猶如全村人得罪了她一樣; 失驚無神會有一位穿著貌似廚師服的男士來上菜或是問我們 last order...3. 作為 "燒肉專門店", 燒肉真的乏善足陳, 總之不論海鮮還是肉類, 就是一股腦兒撒黑椒, 辣辣辣辣就好, 肉類沒有什麼肉味; 反而熟食還好一點, 有數款個人覺得還蠻不錯的味道, 後期是為求飽肚多叫了幾樣熟食而不想再燒; 魚生只叫了一round就放棄4. 沒有酒精類飲品 (以為是新開所以未有酒牌, 但看以前其他人的食評, 似乎是已開了超過一年...? 不另加每人$50任飲汽水+甜品+所謂較貴價刺

今日去完西九龍海邊走到尖咀，累了就搵野食，看到一個非本地既人係度極力推介就入左去，記得問佢攞優惠券，就有野送。入左去就有個4人卡位坐，對住個街，景就OK LA. 之後，就叫了肉食，肉比其他餐廳就小小低於平均水準但之後叫了扁意粉反而別有驚喜，個意粉十分多芝士味，味道拿捏得很好。在這間餐廳食完之後，一定要一試那個意粉和意大利飯真係超班!

星期六的晚上，6：45左右， 我們是在樓下的待應介紹，任食2小時，第一個$238, 第二個半價，便上去試試。到了餐廳都差不多全满，結果我們坐窗邊位。待應再介紹我們每个人加$50，便有任飲，多些魚生，海鲜和有霜降牛肉，我们也加了。我們點了日式芥末沙律，不錯黑松露蘑菇湯，有感到蘑菇粒，味道好黑松露炒蛋，炒蛋火候足，滑的，好白酒煮青口，都ok燒的肉方面，基本上全部差不多試了材料不錯，可以接受有驚喜的是，熟食的牛脷，味道不俗。 值得一試甜品有3個選擇，試了牛奶布丁和法式蛋，屬於令人滿意。上菜時間算快，服務都不錯。

團購放題$148 一位去到細細地都算骨緻，坐底水都無杯俾，原來飲品另收費。好啦tick野食 叫左啲刺身燒肉熟食，一黎到，啲雞軟骨細到可以跌穿個燒烤爐網 甜蝦幼過我隻尾指。侍應哥哥仔拎左两碟唔同既炒飯黎 問佢係咩啦 炒飯囉-____-兩個鐘既放題，我地食左一個鐘就埋單最後 加一係base on 個原價 $488. 總之以後請我我都唔去食