豚道樂 (大河道) (已結業)

呢間野位於路德圍對面，平時都好多人排隊，今日咁岩唔洗排隊，見到就即刻入去食！Menu 上其實都唔係好多種口味揀，我之前食芥茉味湯底，我覺得唔差，所以先再黎食！今次黎， 見到有個季節限定，黑松露豚肉拉面，所以就決定叫呢個。咁岩我叫完之後，下一個人叫既時候，店員就話賣曬了，原來真係限定😳等左無一陣，碗麵就來到了，碗麵賣相唔錯，聞落仲好有黑松露味。首先，飲左啖湯，亦都好有黑松露味，總括碗麵同其他口味既麵只係差左黑松露既味道，未他配搭都係一樣。不過都值得一試。