稻八日式火鍋炸物放題 (已結業)

之前去過荃灣間分店食宵夜印象唔錯，所以今日去到大埔都嚟試下大埔呢一間分店食宵夜。呢間鋪頭嘅特色係佢宵夜放題可以去到三點呀就算你幾時去都仲有嘢食 。 日式火鍋炸物120分鐘放題 特價118蚊，好抵吖。11點後118蚊炸物放題， 任食豬羊雞，可以無限添加，啱曬啲［食肉獸］，。出面有自助吧，可以揀唔同嘅嘢食， 菜心、菠菜、旺菜、木耳、粟米、番茄、墨魚丸、龍蝦丸、芝士丸、蔬菜，選擇有好多種，而且好新鮮，會不停refill，唔驚無得食。 呢度嘅特色仲有可以自助炸物，好好玩，又好食，好啱大人同細佬一齊黎玩，順面增進下感情。除此之外，呢度嘅和牛都唔錯，可以比多少少錢試下，都值得推介比大家。