和氣食堂 (河畔花園)

營業中

休息中

星期一對自己好啲，一於食日本野。今日唔駛排隊，放假排哂隊架。首先上三文魚5味🍣。壽司既大小適中，飯粒口感唔錯。三文魚新鮮，配上海膽食好滿足！配牛油果第一次食，味道就新奇啲。火炙三文魚生熟啱岩好，配芝士一流。仲有一個係咖哩鹽味，咸咸地又食到咖哩味既生文魚，味道特別芝士厚玉子燒好大舊，份量十足。蛋味濃郁，配上芝士勁香濃，趁熱食試到芝士溶溶地既口感好正滿足，一人食兩舊夠哂數。今晚既驚喜，黑豚肩燒丼。豬肉烤到啱啱好，豬肉調味好夾，配上香蔥更加突顯豬肉既味道，好味到食哂成碗。推薦！另一個飯試大盛刺身丼，味道絕對係水準之上。碗飯配有三文魚、帶子、油甘魚、海膽、香蔥吞拿魚蓉、飛魚子、玉子、仲有超大牡丹蝦全部x2 ，以伊個價錢黎講真係超值。一包講哂，所有配料都好新鮮好夠份量，特別係吞拿魚蓉同海膽，味道鮮甜。總括黎講，和氣食堂絕對可以翻兜，只要唔駛成日排隊既話。