影片
更多
2019-09-07
127 瀏覽
本身我哋一班女仔勁鍾意去吹水，吹水地方你唔開去食雞煲或者打邊爐，或者放題，今晚舊同學慶祝生日，幾個女仔又想飲嘢，又想坐耐啲，最好就係打邊爐啦，約喺佐敦最方便，朋友話想試吓倫歌私房菜，平時見到好多人排隊，一直都想試，今次有機會啦！倫哥不嬲都好有口碑，個個都讚食材新鮮用了十足，果然今晚試過，要比5**，一坐低先安排幾款刺身，自身級數好有水準，三文魚好鮮甜、牡丹蝦大隻新鮮，之後再食蒸海鮮，今晚海鮮係蒜蓉粉絲蒸開邊龍蝦，龍蝦爽口彈牙，椒鹽鮑魚好惹味！店員之後拎咗個雞煲上嚟，我哋自己炒一炒，叫咗BB啦，入邊有花椒、乾蔥等等惹味配菜，雞肉入味嫩口，今晚就咁食個雞煲都已經好滿足。雞煲差唔多食完後，店員再問我地火鍋要咩湯底，原來倫哥嘅火鍋湯底都幾有特色，我哋叫咗胡椒豬骨煲，龍龍嘅白色湯底入邊有少少牛油香味、入邊亦有胡椒，淥牛頸脊最適合，套餐包左一份本地牛頸脊，牛頸脊係最啱打邊爐，因為牛味濃郁，而且有淋又滑！粵式會越發覺呢個套餐好抵食，因為有成十幾款嘢食，仲要有海鮮，成個海鮮拼盤好豐富，亦好震撼，估唔到分量十足，用料新鮮！其他打邊爐菜式可以無限任點，飲品亦係無限供應，真心覺得套餐三百幾蚊呢個價錢真係冇得
倫哥不嬲都好有口碑，個個都讚食材新鮮用了十足，果然今晚試過，要比5**，一坐低先安排幾款刺身，自身級數好有水準，三文魚好鮮甜、牡丹蝦大隻新鮮，之後再食蒸海鮮，今晚海鮮係蒜蓉粉絲蒸開邊龍蝦，龍蝦爽口彈牙，椒鹽鮑魚好惹味！
店員之後拎咗個雞煲上嚟，我哋自己炒一炒，叫咗BB啦，入邊有花椒、乾蔥等等惹味配菜，雞肉入味嫩口，今晚就咁食個雞煲都已經好滿足。
雞煲差唔多食完後，店員再問我地火鍋要咩湯底，原來倫哥嘅火鍋湯底都幾有特色，我哋叫咗胡椒豬骨煲，龍龍嘅白色湯底入邊有少少牛油香味、入邊亦有胡椒，淥牛頸脊最適合，套餐包左一份本地牛頸脊，牛頸脊係最啱打邊爐，因為牛味濃郁，而且有淋又滑！
粵式會越發覺呢個套餐好抵食，因為有成十幾款嘢食，仲要有海鮮，成個海鮮拼盤好豐富，亦好震撼，估唔到分量十足，用料新鮮！
其他打邊爐菜式可以無限任點，飲品亦係無限供應，真心覺得套餐三百幾蚊呢個價錢真係冇得輸，怪唔之得晚晚都咁多人等位！
張貼
