和処 酒肴 (已結業)

今次食既呢間係和処酒肴，係位於尖沙咀漆咸圍金時商業大廈地下既地鋪，今次都係搵左個老友一齊去食。一入到門口，已經聽到re-arrange左既一啲現代流行歌曲，有一種8，90年代嘅感覺，仲見到唔同好靚嘅裝飾，仲有朋友個名嘅紙鶴，好靚！！後來了解番，原來係佢地自己親手摺。好啦，之後準備開餐，企係我地面前既師傅好有禮貌咁同我地講解我地食咩，分別有兩個餐單，都係師傅揀嘅食物。兩個餐單分別有前菜、刺身，燒物、壽司，蚌仔牛油飯、味噌湯、同埋甜品。前菜我已經好impress，因為食落口好新鮮同開胃，同咪有一樣野一定要讚，就係好～～靚～～師傅為我準備左哩個Tuna既刺身，口感好軟，非常香！呢個魚真係好好食，同埋好記得當時我唔係好「識」食呢條魚，師傅好有禮貌咁教我點食，同咪佢show左佢既絕活，就係幼筷子夾到一粒芝麻！！！到壽司環節，其實食到呢個位，都真心有少少飽，但唔知點解都係一件件壽司照食落肚，同埋師傅準備每件食物都非常認真！到呢個位真係有嘅飽，但飲兩啖湯，再食個蚌仔牛油飯，個味道好特別，非常好食。一定要提呢個甜品，柚子味雪糕，配合埋抹茶，真係好好好好好好好好食，同好滿足！！！！