157
1
3
港鐵佐敦站 D 出口, 步行約9分鐘 繼續閱讀
電話號碼
37912346
59349862 (Whatsapp)
附加資料
午巿只接受預約訂位,現金付款
營業時間
今日營業
19:00 - 22:00
星期一至六
19:00 - 22:00
星期日
全日休息
付款方式
現金
座位數目
16
其他資料
酒精飲品
電話訂座 詳細介紹
加一服務費
食評 (164)
等級4 2019-01-18
90 瀏覽
今晚約好咗同我朋友,去之前食過的間壽司店補祝生日。掛住期待嘅心情,工作了一天,都唔會覺得攰。而且今日幾好彩可以準時放工,幾時收工就即刻前往食好西。之前來過三兩次,熱情招待的女侍應,都認得我地啦! 至於那位來自東京的師傅,就埋頭苦幹,為每一位客人親手炮製美食,都無暇同我地閑聊 (或者佢已經唔認得我)。前菜上菜嘅時候,我心諗點解咁得意,佢哋會選用一個類似香薰左嘅器皿裝住D前菜呢?原來內有乾坤,有成三層咁多!仲有我最喜歡嘅螢光魷魚。刺身:鰤魚 左口魚 𩶘魚一個人份量的都可以一次過試晒三種刺身,每款都有厚厚的的兩片,真係大飽口福。燒秋刀魚、炸蝦 、炸雞正呀!有白子食!壽司:油甘魚、牛尾魚、紅衫魚、黑曹魚、黑鯥魚、伊左目、拖羅壽司依然都好出色,飯的醋酸到剛剛好。紅衫魚特別鮮甜。久違了拖羅的味道!好肥美。海膽三文魚子杯日式咖喱飯,本身食完壽司都幾飽,但係試咗一啖個咖喱飯,竟然忍唔住食晒。湯係幾正架,唔單止有昆布味,仲有好濃魚味。甜品都幾豐富喎,又有福餅,又有雪芭,仲有個桔仔做飯後果,好完美。 繼續閱讀
(以上食評乃用戶個人意見 , 並不代表OpenRice之觀點。)
等級4 2019-01-09
257 瀏覽
又到年尾,諗住同另一半再慶祝一番所以揀咗食日本料理。取其意思年年有餘,感情KEEP住有裕,嘻嘻。呢度OMASAKE餐牌夠哂簡單,分別有【海UMI】 【潮USHIO】 及 【肴 SAKANA】。今次選擇中價位嘅【潮USHIO】餐內包含:前菜,刺身3種,季節刺身1種,燒物,料理,壽司8件,食事,味噌湯,甜品或清酒。前菜黑松露玉子,味增青瓜,豆腐菠菜,鯖魚枝豆以及箱押壽司等等食物。當中黑松露玉子最為欣賞,玉子味道甜且帶上黑松露香味。當食完前菜時候,北圭介師傅就放左舊冰出黎,究竟呢舊冰有咩用呢?刺身3種:鱲魚/佐口魚/鰤魚。佐口魚入口最為肥美。季節刺身生蠔/牡蠣配酸汁生蠔本身就爽口,再配上三文魚籽同酸汁口感更豐富燒物燒物分別係牛油燒雞同梭子魚,梭子魚包住南高梅同蝦肉,口感豐富。燒雞肉質嫰口,充滿油香。料理料理係茶碗蒸,但整個外相似壺一樣,用茶壺蒸形容更為貼切。料理一共分為3層,分別係醬油,芝麻蔥花,同係底嘅主角茶碗蒸。食法係將頭2層倒上蒸蛋上。茶碗蒸蒸到非常幼滑,幼滑程到可比豆腐花一樣。濃郁蛋味外,入面仲有帶子,蝦肉,豬肉等等配料。壽司8貫去到壽司呢個環節,原來剛剛拎出黎嘅冰係比師傅做手握壽司時保拎手溫避免過熱,令醋飯同魚肉受影響。每一件壽司都非常講究。壽司分別係黑曹以,黑松露油甘魚,金目魚,小鰭魚,帆立貝,吞拿魚赤身,左口魚邊及三文魚籽海膽。食事因為開始飽關係,所以去到食事呢PART 我地淨係要1份,就係咖哩飯啦。日本咖哩大多只有甜味甚少辣味,但呢碟就恰到好處,咖哩汁中辛辣味比較出,配上蝦肉飯入口一流。味增湯中海帶同芝麻多到鋪滿面上,內有豆腐,入口清甜。甜品在清酒或甜品之中,我地選擇左後者。甜品份量都唔惹少,有啫喱,桂花榚,雪芭同大福等等。以咁滿足甜品作結尾,可以話無從挑剔。今餐OMAKASE除食物美味外仲充滿人情味,進食過程中,北圭介師傅會同食客互動。言談之間,老闆講到自己祖父曾經為日本天王製作過料理,正正影響到佢對日本料理個份執著。又談到附近一間由70多歲老師傅經營多年並剛剛結業嘅日本料理,師傅表示既讚嘆老人家魄力又感嘆係業界一份可惜。當然師傅亦推薦一種東京人氣美食,叮囑我地旅行時不要錯過,我諗除滿足外似乎亦有所得著。小店中呢份人情味係最值得欣賞。 繼續閱讀
(以上食評乃用戶個人意見 , 並不代表OpenRice之觀點。)
就黎聖誕節好想食好D,有朋友介紹這裡有Omakase食,不過要訂位,然後我就在和処酒肴訂了位。店舖外觀裝橫簡約低調,內裏裝修簡約光猛。坐底之後店員給了個餐牌分別有三款選擇,是「海」、「潮」、「酒肴」三款,三款的分別是在於多少道菜式。我們到最後選擇左「海」,話明係廚師發辦,當然食材就是由廚師為我們今日挑選最優質、最時令的食材給我們。【茶碗蒸】海膽茶碗蒸,啖啖海膽肉的,美味無比,如果再蒸多一點時間更好。【中拖羅】右:魚脂含量很高,口感滑潤,入口即溶。【鰤魚】味道鮮甜軟滑,呢款魚平日較少食到,全都十分新鮮。【帆立貝】份量大,非常肥美吸引,十分鮮味!【紅衫魚】肉質比較淋,入口香甜幼滑亦不俗,魚油適中。【鱸魚】右:魚肉軟綿刺激著我味蕾的每個部分,幸福感覺油然而生【深海池魚】左: 一直係我最愛,味道鮮美,入口爽甜【三文魚子海膽小鉢】三文魚子新鮮爽甜,海海膽甘香美味。【鮟鱇魚肝】魚肝都是第一次食,真係不知什麼味道。原來口感是粉粉地,配上酸酸地既柚子汁,都容易入口。 繼續閱讀
(以上食評乃用戶個人意見 , 並不代表OpenRice之觀點。)
等級4 2018-12-19
407 瀏覽
聖誕月諗住食好啲,所以想起不如食Omakase 開心下,近近地向尖沙咀揀咗間不太起眼嘅隱世日本料理店。門口裝橫精緻有格調,內裏裝修光猛簡潔。Menu 有3個價錢,本身想揀比較多野食啲'潮'套餐,但由於貴啲果2款套餐也有生蠔,而我地又唔食嘅關係,師傅也說餐牌定了不能更改,所以只好選擇比較平一點的'海'套餐喔!果然日本師傅有著日本人的堅持精神。前菜珍味三款前菜都幾特別,左手邊開始有柿子豆腐,味道甜甜地食落感覺滑溜,中間果款漬物味道比較濃厚,如果配飯食就非常好,最後個款有黑松露雞卷,雞肉嫩滑 ,黑松露味恰到好處。茶碗蒸上面放上海膽作點綴,味道甘甜,但蛋味如果再濃厚一點比較好。壽司8貫用一隻長身碟放上2set 壽司,非常吸睛右手邊起有中拖羅-入口即溶,甘甜軟嫩之後有鰤魚-味道鮮甜軟滑跟住到帶子- 入口鮮美爽嫩紅衫魚 - 味道清甜,魚肉軟綿深海池魚- 一直係我最愛,味道鮮美,入口爽甜鱸魚- 肉質比較淋,但味道甜美火炙左口魚邊- 焦口肉嫩,油脂豐盛三文魚子海膽杯- 三文魚子新鮮爽甜,海海膽甘香美味。味噌汁香濃可口,內裏加上水菜增加口感。甜點有兒時喜愛嘅啫喱,士多啤梨cheese cake ,柚子雪葩,特別喜愛柚子雪葩嘅清甜香味。 繼續閱讀
(以上食評乃用戶個人意見 , 並不代表OpenRice之觀點。)
等級4 2018-12-06
533 瀏覽
老公見我上星期自己自私食了廚師發辦的丼飯開心了一整晚,他就立刻問朋友那裏有真正的廚師發辦食,然後他就在和処酒肴訂了位,決定給我一個大大的驚喜。和処酒肴位於尖沙咀旺中帶靜的漆咸圍,我形容為尖沙咀隠世的秘景。店舖外觀簡約低調得來帶有氣質,打開門就是典型的日式玄關,經過玄關就是今晚享用廚師發辦的地方,壽司吧檯約有十個座位,加上兩張四人檯,全店加起來也只有二十個座位左右,所以想一睹廚師的風采,就記著要打電話訂位。店員安排我們坐在吧檯位,一坐下就見到面前放上用紙摺成訂位人及同行人的名字,好貼心。看見廚師企的位置用紙摺成的名字,那麼今晚的廚師應該是Kita San。 餐牌有三款選擇,分別是「海」、「潮」、「酒肴」三款,三款的分別是在於多少道菜式。而話明是廚師發辦,當然食材就是由Kita San為我們今日挑選最優質、最時令的食材。我們今日選了中價位的「潮」,貪其款款菜式都有一些。前菜盛合前菜盛合有8款不同的料理,店員會每款介紹一下內裏的食材及食用次序,前菜是沒有食用次序之分的。而每款料理都各有特色,不同顏色不同食材拼在一起,好豐富、好和諧。每款料理都好好食,例如白色的芝士球,有好豐富濃郁的芝士味,單食亦不會過鹹;黑松露蛋卷是兩種鮮味配合而成的組合,口感滑嫩;壽司是用上不同的刺身魚、醃漬黃蘿蔔及青瓜製成,食得出魚的鮮味,也有清新脆口的口感;丸子串更是驚喜之作,丸子是全熟的但可以做到生一樣香滑的口感,肉味亦非常豐富。慢慢品嚐師傳精心炮製的食材,是多麼的賞心樂事。季節刺身 - 生蠔今天的季節刺身是生蠔,看著師傅在吧檯上開生蠔,再沖洗得乾淨徹底,然後加上配料及擺盤,是藝術的享受。蠔肉飽滿配上同樣脆口的三文魚籽及少許柚子醋,一咬開味鮮而甜,豐富的海水味滲入口腔,齒頰留香。刺身3種 – 左口、鰤魚、間八今天師傅帶給我們的三款時令刺身是左口、鰤魚和間八。每款刺身均有兩片,厚薄適中。左口魚刺身剛入口時魚味清淡,然而魚油之甘香會慢慢散發出來。間八刺身亦是相對魚味清淡,魚肉口感是脆而鮮甜。鰤魚刺身味道相對較甜,油脂相對豐富,口感軟滑。果然是做到不時不食,一字記之曰:鮮。店員說除了刺身外,整碟伴碟都是可以吃得,有山葵葉、紫蘇葉和紫蘇苗等,連伴碟都花盡心思。燒物 –西京燒秋鮭、燒梭子魚這裏每道菜式均是非常豐盛的,用上不同顏色的食材配料,令人賞心悅目。秋鮭魚及梭子魚的魚皮均是油脂豐富,咬落外脆內嫩,魚汁豐富。料理 - 白子茶碗蒸茶碗蒸看似平凡,但要製作一碗完美的茶碗蒸絕對不簡單,時間及成份都要掌握得好好。茶碗蒸內有含豐富蛋白質的白子,口感順滑,咬落去卜一聲就溶化,一試難忘,碗內還有鮮蝦及鮮元貝,令茶碗蒸的味道更為提昇。壽司8貫 - 油甘魚、黑曹以、馬駮魚、小肌魚、目仁女、鰤魚、帶子、海膽三文魚籽師傅握飯的力度剛好,盡顯功架。壽司飯的醋酸度適中,沒有蓋過魚的鮮味,飯香軟熟且粒粒分明。師傅在每件壽司盛上前均已經調好味道,每件均配上不同的醬汁、山葵、紫蘇葉等,所以我們也不用再醮醬油來吃。師傳由淡味壽司整到濃味壽司,續件續件放上碟上,而我就不客氣地一口一啖品嚐。油甘魚魚肉清鮮,細嫩肉質伴隨魚油香。黑曹以亦是白身魚,不算是稀世品種,但我是第一次食,肉質結實清甜。馬駮魚甘甜美味。小肌魚屬冬天的時令魚,魚肉鮮味,沒有半點魚腥味。目仁女魚味重,肉質緊緻有彈性。鰤魚入口滑溜柔軟,帶濃郁鮮甜的魚味。帶子是珍寶級,肉厚味鮮,口感鮮嫩滑溜富彈性。海膽三文魚籽將醋飯舖得滿滿,海膽甘香鮮味,入口即溶。三文魚籽有豐富的魚油,咬落去卜一聲就溶化。食事 – 燒牛肉飯團 及 味噌汁經過豐富好味的前菜、刺身、燒物、料理、壽司後,可以想像到我們已經飽得九九十十,但是因為實在太好味的關係,我們將燒牛肉飯團及味噌汁也食到一乾二淨。燒牛肉飯團外面燒得脆脆,飯入面熱辣辣及香軟,配上牛肉及牛肉汁,美味。味噌汁的味道調製得簡直一流,而且喝落帶鮮甜味。甜品到了廚師發辦的最後一道菜,可以選擇甜品或是清酒一杯。甜品對女仔黎講地位相當崇高,所以唔駛諗,我選擇了甜品。本來以為只會是菓子或雪糕,點知竟然是一份甜品拼盤,入面包括有甜度適中而且有很大粒士多啤梨的大福,刺激味蕾的芝士蛋糕配咖啡及士多啤梨,清新的啫喱配上原粒柑和凍冰冰又清甜的柚子雪葩。是晚很有驚喜和滿足,十分期待再次的廚師發辦。 繼續閱讀
(以上食評乃用戶個人意見 , 並不代表OpenRice之觀點。)