142
1
2
港鐵佐敦站 D 出口, 步行約9分鐘 繼續閱讀
電話號碼
37912346
附加資料
午巿只接受預約訂位,現金付款
營業時間
今日營業
18:30 - 22:00
星期一至六
18:30 - 22:00
星期日
全日休息
付款方式
Visa Master AE 現金 JCB
座位數目
16
其他資料
酒精飲品
電話訂座
加一服務費
食評 (148)
等級4 2018-10-17
629 瀏覽
之前食過數遍 omakase,都是本地師傅出理的,同事介紹了尖東有一家日本師傅主理的 omakase,是晚便去見識。選了"潮"的 omakase 餐,滿心期待。先上10道前菜,有黑松露蛋卷,魚卷,燻雞肉卷,薯仔沙律,枝豆,茶漬,手握壽司等,最特別的是芝士球,芝士混入煙燻蘿蔔,擺設吸睛又美味。之後是3款刺身,左口魚(前)剔透清甜; 鰤魚(後左)肉質甘甜,油滑幼細; 鰹魚(後右)魚味香濃。接著是燒物,(左)燒鯖魚皮脆魚肉結實; (中)燒秋刀魚卷,把時令的秋刀魚捲起來燒,味道更濃郁更有風味; (右)炸左口魚釀蝦,炸得香脆,釀了蝦口感很彈牙。然後是煮物,這個別緻的葫蘆𥚃面原來分了3層,上層是酸汁,中間是洋蔥芝麻,底層是海鮮雜菜湯。把洋蔥芝麻放在湯中,再加少許酸汁,味道鮮甜。跟著8貫壽司陸續出場,由日本師傅手起刀落逐件用心準備,雖然語言不通,但師傅仍努力試著用廣東話或文字介紹每款食物。壽司有赤𩶘,魴鮄,平政,真子鰈,池魚,金目鯛,鰤魚腩及海膽魚子(三文魚籽和烏魚子),有些魚類平日較少食到,全都十分新鮮。還有麵豉湯和咖喱飯,日式咖哩不會很辣,加入洋蔥煮更帶點甜。最後是甜品。這個 omakase 絕對令人捧腹而回,煮物及燒物等料理十分出色,而且能感受到師傅的心思。 繼續閱讀
(以上食評乃用戶個人意見 , 並不代表OpenRice之觀點。)
等級4 2018-10-16
331 瀏覽
為慶祝區區成功另謀高就,準時下班和太座品嘗omakese,享受難得平日晚上的寧靜。這裏座位少,被安排坐在吧枱,欣賞師傅用心準備食材。前菜一次過奉上,氣勢十足。典型和食的精緻,有枝豆、煙蘿蔔配芝士、薯仔沙律、雞肉卷和明太子等,吃下已三分飽。之後三道刺身鰤魚鮮甜入口稍化,鏗魚帶海水金屬味,左口魚肉質嫩滑,質素不錯。燒物同樣有三道。鯖魚皮脆肉質結實,時令秋刀魚鮮味十足,左口魚釀蝦球香脆彈牙。蒸物德利蒸,簡單加入蔬菜、舞茸和魚蝦同蒸,湯汁非常清甜。加上洋蔥芝麻和少量酸汁更錦上添花。7分飽狀態下來7道壽司。赤入口清雅,油香適中。少見的魴魚肉帶嚼勁,爽口又鮮香。平政以柚子辣醬調味,鮮香豐腴, 肉厚結實。真子鰈充滿鹹鮮,入口清爽帶點筋,加添嚼勁。池魚入口化開,油香十足。金目鯛表皮灸過,微帶焦香,肉質爽口。鰤魚腩入口即化,油花四溢,不輸吞拿拖羅。最後的三文魚子 、海膽、烏魚子氣勢十足,味道濃郁,鮮味久久不散。十分飽狀態下竟然再端上迷你咖喱飯。咖喱微辣清甜,反而有點消滯作用。甜品以梳打汽水伴水果和雪糕,精緻又清爽。這大概是區區吃過份量最豐富的Omakese,且用心製作,值得推薦。 繼續閱讀
(以上食評乃用戶個人意見 , 並不代表OpenRice之觀點。)
等級4 2018-10-15
222 瀏覽
呢間餐廳係黑麻麻的漆咸圍,好容易行過左就唔知,好彩有識飲識食的好友帶我黎到呢度門面好低調,平時都留意唔到佢存在喔食到OMAKASE都會訂座,每個座位都有用摺紙摺成的客人名字,十分窩心是日食左中價的「潮」($880)日本師父一個人要SERVE晒咁多個客人,不停低頭做,雖然好忙,但依然好講求衛生,一路整一路用抹布清潔檯面,保持整潔前菜盛前菜好豐富,因應季節而轉變,由左至右分別係螢光魷魚、明太子、薯仔沙律、豬肉卷、黑松露蛋卷、手押壽司、煙蘿蔔芝士、燒魚、微辣蛤、雞肉卷、魚肉卷、松前漬、枝豆,睇數量都知有幾豐盛刺身三種盛三款刺身,分別係劍魚、鱸魚、左口魚,兩款都唔係油脂重的魚,作為前菜就岩晒料理1來到第一款熟食,燒鯖魚同左口魚釀虎蝦,左口魚釀虎蝦比較特別,有兩種口感料理2第二款熟食係德利蒸,分開三層,上層係酸汁,中層係洋蔥芝麻,而下層就係海鮮松茸,如果唔怕酸,就可以倒晒所有汁落去一齊食,唔好睇小佢細細杯,入面都有幾多海鮮魴鮄魚魴鮄魚第一次食,口感彈牙同重魚味帶子帶子好厚身又大件,鮮味無窮鰈魚鰈魚肉質比較有咬口,上面放有醃魚,多左一份鹹味紅衫魚紅衫魚經炙燒過,魚皮燒脆左好有炙燒香秋刀魚秋刀魚魚味濃,有蔥花薑蓉襯托,秋刀魚本身好多細骨,所以都好考師父功力赤身赤身質感軟棉棉,無拖羅咁肥咁有油脂香,但就更食到魚味石垣貝師父大力一拍就整個卷起左,証明左有幾新鮮生猛,口感勁爽口海膽三文魚子基本上我對海膽只有一個要求,就係唔好有難聞的味道,這裡的絕對合格味噌湯食左咁多生野,飲番完味噌湯暖一暖胃好舒服師父好NICE,一人送左一碟咖哩飯俾我地食,咖哩係自家製,辣味岩岩好,雞肉嫩滑甜品最後甜品都唔簡單,有抹茶蕨餅同雜果啫喱梳打,雜果啫喱梳打較為清新,食左咁多野之後呢款甜品做完結就岩晒 繼續閱讀
(以上食評乃用戶個人意見 , 並不代表OpenRice之觀點。)
同同事閑談間發現,原來尖沙咀都有間隱世既日本餐廳,主打人情味,由日本師傅主理,雖然同事無好Specific咁講明d人情味係點浸出黎既,但係本人都十分之期待。餐廳位於漆咸圍,呢個街名個人比較陌生,原來就喺「婚紗街」近PolyU方向,咁樣講即刻就明哂。餐廳名為和処酒肴,見到個「処」字,我都真係唔係咁識讀,特意上網找尋,原來就係同「處」字同音同義,又上一課了。門外沒有一個很顯眼的生招牌,但入內卻現已座無虛席,這不正是低調高手的憑證嗎?因為有預先訂座,入內店員已經立刻為我們帶位,現前更令我讚嘆。在每個座位前,原來也都放有客人的名字,更是用紙摺疊而成,這份貼心,這份親民,更令我添了一份好感。餐廳主打Omakase,但亦有4款選擇,最便宜的只需 $750,而最貴的就要$1300,最後我們選了中低價的「潮」。點菜完畢,先用枱上的熱毛巾清潔雙手,店員便為我們呈上第一道菜 – 季節性前菜盛合。季節性前菜盛合這個前菜盛合,也實在夠哂大龍鳳,有12款之多,很像遊覽日本溫泉酒店的一泊二食,那道懷石料理之感。由左到右數起,分別有瑩光魷魚,,明太子,薯仔沙律,豬肉卷,黑松露蛋卷,手押壽司,煙蘿蔔配芝士,燒魚,辣蛤肉,雞肉卷,魚肉卷,松前漬和枝豆。每一項既portion也不多,但做功卻十分精緻,而且味道一流,特別感覺店員姐姐為我們逐一介紹,十多款單是要記得,再present,已經不容易了吧。刺身三種盛然後日本藉我師傅,就為我們展示他的刀功,在我們面前為我們處理三款刺身,分別是劍魚,鱸魚,和左口魚。每款刺身也會有2片,食材真係好新鮮,食落帶鮮甜口感。在我們面前有2重碟仔,我和友人都有些爭執不下,到底那一隻碟是盛載醬油呢?最後我選了長方碟做醬油碟,而圓碟就用來食刺身。料理1刺身後,會有2款和式料理,第一款有青魚,左口魚釀虎蝦,同埋綠色既甜豆。青魚煎得甘香,魚質比較挺身,但係入口鮮甜,唔會煎得過油,火喉控制得很好。左口魚釀虎蝦係比較特別既一款料理,食落表層香脆,同時間又食到蝦同埋魚兩款口感,好味又過癮。而綠色既小豆就食落甜甜地,個質感好特別。料理2第二個料理名為德利蒸,係一個胡蘆狀既盛器盛載。佢一共有三層,第一層係酸汁,第二層係洋蔥芝麻,而第三層就係海鮮松茸。店員教路,可以將第一層同第二層放進海鮮松茸,就一起食用,而酸汁因為真係好酸下,所以要慢慢加比較安全。海鮮松茸裡面有魚有蝦有菜有菇,都幾豐富。壽司之後便進入壽司部份,一共有8款。魴鮄魚壽司第1款係魴鮄魚,佢既肉質比較幼滑,食落鮮甜感十足,而師傅已經加好哂醬油芥辣,自己都唔需要再添加啦。帶子壽司第2款係帶子壽司,帶子非常大隻,好厚身,食落充滿鮮味。鰈魚 壽司第3款係鰈魚壽司,魚質好爽脆,食落有d根,根咬落有鮮甜,一口一口帶來更有層次既口感。紅衫魚壽司第4款係紅衫魚壽司,師傅用火鎗燒香魚皮既表層,上面放有XO醬,食落脆脆地,辣辣地,而魚肉就比較腍身,鮮甜度慢慢浸出。秋刀魚壽司第5款係秋刀魚壽司,上面放有蔥和薑絲,食落魚質軟綿綿,更能感受到醋米的甜米香,魚味都好濃。赤身壽司第6款係赤身壽司,食落軟綿綿,帶少少酸甜感,魚味唔算好濃,但係好甜。石垣貝壽司第7款係石垣貝壽司,廚師輕輕拍打石垣貝既身,佢就會捲起佐,好得意,食落極級爽口,而且鮮甜,好好味。北海道海膽配三文魚子壽司最後一款係北海道海膽配三文魚子壽司,三文魚子唔稱得上係脆口,但係咬落好juicy,而海膽亦都非常鮮甜,幸福度滿分。味噌湯之後來了一個湯,食完咁多款冷食後來一碗熱湯,成個胃即刻舒服哂。咖哩雞肉飯湯後這個飯絕對夠哂驚喜,其實食佐咁多野之後我地都已經好飽,呢個時間突然來一碟咖哩飯,真係殺我地一個措手不及,大食如我,都真係要叫投降。但係就算再飽都好,總唔能夠浪費食物,所以我地都硬著頭皮去繼續作戰。咖哩汁唔太辣,甜味比較多一點,雞肉唔算多,我覺得係岩岩好既。甜品食完個飯,終於來到了我最期待的甜品時間。甜品每人有2款,包括雜果梳打啫喱 配柚子雪芭 同埋 抺茶缺餅。雜果梳打啫喱裡面有蜜柑啦,菠蘿啦,西瓜啦,蘋果啦,都幾豐富,而柚子雪芭個果味都好重,酸酸地,好似可以打開番我個胃咁,好味。而抺茶缺餅有2粒,其實有D唔夠喉,但係其實我都真係太飽啦,再多俾我都食唔落。呢個價錢既Omakase ,再加上呢個份量,真係物超所值,再加埋貼心既服務,日本師傅的款待,絕對值得推介。 繼續閱讀
(以上食評乃用戶個人意見 , 並不代表OpenRice之觀點。)
等級4 2018-09-23
473 瀏覽
最近老同學由美國回港, 我特別請他吃日本菜, 選擇了尖沙咀漆咸圍的 和処 酒肴.由於同學見聞不少, 吃 正宗 Omakase 料理, 他必會高興. 餐廳內, 装飾富日本高雅氣息, 整潔寧靜, 長長的壽司吧, 由正宗日本師傅打理, 他在用心的為客人烹調.我兩天前已訂座, 餐廳在訂檯上登記了我們的名字...........用帆船來歡迎, 使人感到有份親切感. 今個晚餐,   依店長安排 Omakase, $880-/位.  我們準時到達, 師傅約十分鐘便安排好第一度前菜送出.前菜擺碟美觀, 相當豐富, 有薯仔沙律, 芝士餅, 黑松露蛋卷, .手握壽司, 章魚小丸子, 炸雞肉卷, 煙燻蘿蔔, 海蜇, 枝豆.我和老同學, 可以邊吃, 邊談, 回憶學校生活.   至於食物, 他喜歡富中式品味的海蜇, 章魚小丸子. 日式 手握壽司和枝豆. 而我最愛是 黑松露蛋卷, 炸雞肉卷, 及 煙燻蘿蔔. 第二道菜上, 料理 1: 深海池魚西京燒, 味道鮮甜, 燒得香口,  伴有酸薑.炸芝士豬扒,  豬扒炸得香口, 肉質嫩滑, 配芝士更惹味.刺身三種盛, 擺碟靚, 三種魚好新鮮,𩶘魚, 配有食用花. /  鰤魚,配有紫蘇葉. / 澗白, 配上紫蘇花.  好特別組合.  魚味非常突出.料理 2,  德利蒸,  用瓷葫蘆盛載, 上層是酸汁, 中層有芝麻和洋蔥, 下層有紅蘿蔔, 蝦仁, 魚和 熱湯, 我們把洋蔥和芝麻倒入底層, 熱湯調和後,  好好味, 日本師傅為我們細心做壽司.手握壽司,  共八款1. 髭剃鯛壽司  ~ 魚油豐富, 清甜爽滑2. 彷彿魚壽司  ~ 魚味香濃,  鮮味十足.3. 帶子壽司  ~  帶子味道清甜, 厚肉. 4. 油甘魚壽司  ~ 口感肥美.5. 赤立魚壽司 ~ 入口爽滑6. 金目鯛壽司 ~ 肉質軟滑, 有脂香.7. 石垣貝壽司 ~ 肉質彈牙爽甜, 味道鮮美.8. 馬冀海膽壽司 ~ 馬冀海膽加魚子, 入口甘香, 帶有鮮味.馬冀海膽壽司 : 我和同學都讚不停口 . 咖哩雞肉飯和麵豉湯 , 想不到日本師傅對咖喱也有研究, 味道可和印度菜一較高下. 麵豉湯,日本健康湯品, 不會錯過. 甜品:   青檸雪葩, 綠茶蕨餅, 鮮果粒加汽水 師傅安排得好細心, 把日本最好食的餐後小點做 甜品 ,  yummy!同學 對此 Omakase 料理好欣賞, 我都好高興.食材新鮮, 刺身的魚味比較濃郁, 大大滿足了我們刺身控.  店員服務不錯, 價錢抵食. 繼續閱讀
(以上食評乃用戶個人意見 , 並不代表OpenRice之觀點。)