火間土 (已結業)

是晚同朋友食生日飯,BOOK檯8點,準時8點到達,但就等左2,3個字先入得,門口得一個姐姐,仲要帶出帶入,人手嚴重唔夠!!!!一坐低,無人理我地,茶都無杯飲下,好難先搵到個哥哥經過叫佢俾茶我地....打開menu,真係好多野揀,多到我地唔知點揀,樣樣都想食,menu睇完又睇,揭完又揭...三文魚,八爪魚刺身刺身價錢同普通日本餐廳差唔多價錢,但算新鮮,同埋都算大塊同厚切,價錢係我比較意外嘅,好似5塊三文魚都唔駛$40,哩個質素我覺得算平~~芝士焗蟹肉飯哩個係必order,皆因我地通通都係芝士愛好者,不過原來好細兜同埋個碟好淺,份量好少,芝士味太勁,導致食唔出有蟹肉,一人食得一兩啖,覺得唔夠喉,但慢慢就會覺得好漏~~~`軟殼蟹卷無咩特別好食or唔好食,同普通食到既差唔多,一般貨色~~~蜆肉意粉成晚做得最錯就係o係日本餐廳order意大利粉,都唔知邊個主意???睇相就知幾唔掂,我自己整都好食過佢,蜆肉得幾舊,D意粉硬到死,又無汁,無味,干爭爭.....大家樂大快踱好食過佢100倍!!!最後個乜蟹唔記得左喇,炸到好油,好干,好熱氣...食左少少無食到lu~~~~~成間餐廳除左位置好,可以睇到夜