影片
更多
2005-12-05
23 瀏覽
前晚同朋友們食完自家煮的大型自助餐後, 尋晚又同屋企一行12 人來食buffet, 緊接仲有咁多餐, 呢個冬天想瘦都難, 正確來講係唔肥都偷笑.講返食物, 冷盆如樓下各食友所講的, 真為最有睇頭的一環. 源源不絕的開邊龍蝦, 長腳蟹都好鮮甜, 生蠔亦有海水味. 壽司有我最喜歡的帶子和甜蝦, 細細件, 亦唔錯. 熟食方面, 我最喜歡即切的焗酥皮三文魚, 另外忌廉香檳汁焗蠔,印度咖哩羊肉也不錯. 因為飽, 所以好快便跳到甜品部分. 首先見到的雪糕櫃中有六款, 當中三款是雪葩, 怕肥的人最岩, 同場偏偏有bailey味, 咁少見當然打低晒其他對手! 食左2球, 如果唔係要趕食完飯陪表妹走先, 多食幾球也不是問題! 雙眼再掃過甜品區, 有即製的crepe, waffle, 前面是一件件精緻的中式甜品, 再過是"嘩!! 好多個蛋糕呀!! 上面仲有好多款一小件的甜品!!" 真係好唔想咁早走!! 荒亂中只切了一件幾濃的朱古力餅和拿了一個朱古力撻. 朱古力餅濃濃的, 感覺好充實, 相比起來撻就顯得失色了,撻皮太薄亦腍, 吃不到撻皮應有的香. 再來個楊枝甘露便要匆匆的起行, 因口中的朱古力味未散, 所以
講返食物, 冷盆如樓下各食友所講的, 真為最有睇頭的一環. 源源不絕的開邊龍蝦, 長腳蟹都好鮮甜, 生蠔亦有海水味. 壽司有我最喜歡的帶子和甜蝦, 細細件, 亦唔錯.
熟食方面, 我最喜歡即切的焗酥皮三文魚, 另外忌廉香檳汁焗蠔,印度咖哩羊肉也不錯.
因為飽, 所以好快便跳到甜品部分. 首先見到的雪糕櫃中有六款, 當中三款是雪葩, 怕肥的人最岩, 同場偏偏有bailey味, 咁少見當然打低晒其他對手! 食左2球, 如果唔係要趕食完飯陪表妹走先, 多食幾球也不是問題! 雙眼再掃過甜品區, 有即製的crepe, waffle, 前面是一件件精緻的中式甜品, 再過是"嘩!! 好多個蛋糕呀!! 上面仲有好多款一小件的甜品!!" 真係好唔想咁早走!! 荒亂中只切了一件幾濃的朱古力餅和拿了一個朱古力撻. 朱古力餅濃濃的, 感覺好充實, 相比起來撻就顯得失色了,撻皮太薄亦腍, 吃不到撻皮應有的香. 再來個楊枝甘露便要匆匆的起行, 因口中的朱古力味未散, 所以除了柚子的甘味其他一蓋感覺唔到.
我的主餐明明係甜品, 食得幾件, 連仲有乜野甜品在場都睇唔到. 感覺真係好浪費. 下次一定要屈表妹請我食番夠喉!
隨左拿食物時我覺得除左人多有少少混亂之外. 呢度係我最喜歡的自助餐. 不過就得我就未必就到家人, 佢地唔會食太多生冷野同甜品, 就會覺得熟食選擇唔夠多.
張貼