影片
更多
2015-08-04
2320 瀏覽
呢一年億利都新增咗唔少高檔既餐廳，因平日工作繁多，總要有一餐午餐必須對自己好啲，故每月都相約同事到此地搵好嘢食，今次就試試評論唔錯既Bondi。我哋一行五人大約1:20pm到達，推門內進後有一位貌似經理既男士（當佢係經理）問我哋幾位，當時其實已全場爆滿，我哋告知人數後，經理隨即話未有位，要求我哋於門外等等。雖然眼見佢哋爆滿，但因我哋午餐時間只有一個鐘，都循例問下要等幾耐，經理話＂唔知架，都要幫你哋set枱＂，此話一出，我哋亦覺得奇怪，咁即係有冇位呢？爆滿但又話set枱？原來間餐廳對面仲有一個單位係佢哋既，唔駛5分鐘就安排我哋入座喇。坐低後就立即附上餐牌，效率快，我哋亦快快點餐，分別點咗一份雞絲意大利粉，兩份紐西蘭羊架（分別七成熟同全熟），兩份肉眼扒（分別半成熟及七成熟）。當待應問我哋要幾成熟既時候，我哋第一次完全聽唔明，第二次再聽時，才聽到佢問我哋要＂五、七、全熟＂，言外之意，我係咪唔可以揀三成？九成？大約3-5分鐘就上湯、沙律及餐包，經理隨即問要唔要胡椒，我哋想試原味，故唔需要胡椒。湯偏鹹，沙律出奇哋係甜既，特別在於有少許蘋果味，餐包夠熱，但偏硬。再過約15-17分鐘就上第一道菜-雞
我哋一行五人大約1:20pm到達，推門內進後有一位貌似經理既男士（當佢係經理）問我哋幾位，當時其實已全場爆滿，我哋告知人數後，經理隨即話未有位，要求我哋於門外等等。雖然眼見佢哋爆滿，但因我哋午餐時間只有一個鐘，都循例問下要等幾耐，經理話＂唔知架，都要幫你哋set枱＂，此話一出，我哋亦覺得奇怪，咁即係有冇位呢？爆滿但又話set枱？原來間餐廳對面仲有一個單位係佢哋既，唔駛5分鐘就安排我哋入座喇。
坐低後就立即附上餐牌，效率快，我哋亦快快點餐，分別點咗一份雞絲意大利粉，兩份紐西蘭羊架（分別七成熟同全熟），兩份肉眼扒（分別半成熟及七成熟）。當待應問我哋要幾成熟既時候，我哋第一次完全聽唔明，第二次再聽時，才聽到佢問我哋要＂五、七、全熟＂，言外之意，我係咪唔可以揀三成？九成？
大約3-5分鐘就上湯、沙律及餐包，經理隨即問要唔要胡椒，我哋想試原味，故唔需要胡椒。湯偏鹹，沙律出奇哋係甜既，特別在於有少許蘋果味，餐包夠熱，但偏硬。
再過約15-17分鐘就上第一道菜-雞絲意大利粉，因比較普通，故賣相亦與一般餐廳無疑，意大利粉有調味，但雞絲完全冇味。
第二道菜-紐西蘭羊架一份，我哋order咗兩份唔同熟度既，故問清楚第一份係幾成熟，經理先打個突，然後答＂七成一定比全熟快熟，呢份係七成架喇＂，一個好新穎既答案，好！我哋接受，同時第二份隨後亦送上。羊架唔騷，但略為偏鹹。
第三道菜-肉眼扒兩份同時上，但按剛才經理既理論，半成應該先上，七成應該後上，點解今次會一齊上呢？我哋又問清楚邊份先係半成喇，誰知經理只係隨手攞咗其中一份走，冇講低發生咩事或點處理，我哋呆等5分鐘再上一份新既俾我哋，但問題係，佢仍然冇講邊份係半成及七成。
2:20pm待應就通知要先付款，前後剛好一個鐘。
門面尚算高檔，環境格調亦好，但服務態度不相符，最後五行人一致通過唔會再嚟。
題外話/補充資料：
價錢唔需要加一，用優惠卷仲有九折，係依家餐廳比較少既做法。
餐飲選擇多，淨係咖啡都有八種，而且味道唔錯。
(以上食評乃用戶個人意見 , 並不代表OpenRice之觀點。)
張貼