142
26
16
港鐵荔枝角站 D1 出口, 步行約1分鐘 繼續閱讀
營業時間
星期一至六
12:00 - 22:00
星期日
全日休息
付款方式
Visa Master 現金
座位數目
70
其他資料
酒精飲品
自帶酒水 詳細介紹
切餅費 詳細介紹
VIP房 詳細介紹
泊車 詳細介紹
電話訂座
加一服務費
食評 (190)
去完d2 place行完次次都唔知食咩,通常都係亂行搵間岩心水,咁今次就係地鐵站附近既工廈見到有間叫bondi既西餐廳,咁就上去試下。環境幾闊落又夠靜,幾岩情侶黎食,首先先叫左個湯,好香好有菇味,然後重有個沙律,好足料,有我最喜歡既芝士醬加巴拿馬火腿,我個人就最鐘意食芝士醬,呢個沙律夠哂多醬,生菜同火腿沾左啲芝士醬超好味。食完沙律開左個胃就準備食主菜,咁食西餐就緊係食排啦,叫左個五成熟既肉眼扒,好林,好有肉味,平時食排好驚好乾好難咬,但呢度煎得岩岩好,好好食。最後就係甜品,心太軟,好喜歡一叉落去有朱古力滲岀黎既感覺,而呢度既心太軟甜而不膩,唔錯,大滿足 繼續閱讀
(以上食評乃用戶個人意見 , 並不代表OpenRice之觀點。)
等級3 2017-11-07
269 瀏覽
最近知道咗荔枝角工廈裏面有呢間餐廳,係d2place行完之後我就同朋友過咗嚟呢間餐廳食晚餐,雖然話係工廈,但行過嚟一啲都唔遠,幾就腳。Set dinner都有好多款選擇,今次我試咗set dinner既紐西蘭草飼肉眼扒。先來左餐包同埋餐湯,野菌湯嘅料好足,飲嘅時候都感覺到裏面有好多蘑菇仲有少少未打磨到溶嘅蘑菇粒喺裏面,口感十足另外呢個沙律都好特別,雖然係常見嘅ham and salad, 但沙律採用嘅巴馬臣mousse令整個沙律更有風味,mousse味道唔會太咸,配沙律菜食有淡淡嘅芝士香,感覺好清新。今日嘅主角係呢塊肉眼扒,配菜都處理得好好,菇菌類同埋蕃茄薯仔嘅調味都好好,佢買佢哋嘅特製燒醬汁食好match!肉眼扒我選擇咗五成熟,切開見到肉質依然好粉嫩好靚,充滿肉汁,肉質一流,個人覺得質素很高。甜品係朱古力蛋糕,幾好食,但送到上嚟我已經好飽啦 繼續閱讀
(以上食評乃用戶個人意見 , 並不代表OpenRice之觀點。)
等級3 2017-10-16
209 瀏覽
工廠大廈入面不嬲都出名多正野食,今日去完D2 place行街,朋友帶我黎到Bondi食西餐,果然有驚喜。一入到餐廳就見到鋪面地方算大同寬敞,入面燈光柔和昏暗,裝修簡約得黎又幾有格調。我地叫左兩個set dinner,有餐湯同餐包。餐湯係野菌湯同蕃茄湯,湯算杰身,飲得出係落足料煲,入面分別有啖啖蘑菇蓉同蕃茄蓉。前菜方面我地叫左煙肉忌廉汁焗蠔同意大利風乾火腿, 巴馬臣慕士沙律。煙肉忌廉汁焗蠔焗蠔都幾大隻,忌廉汁做得好出色,好creamy同香口。意大利風乾火腿, 巴馬臣慕士沙律上面既慕士沙律味道都幾特別,撈埋沙律菜同風乾火腿一齊食味道好有層次。炒野菌至於Side dish我地叫左炒野菌,唔好睇佢賣相普普通通,佢其實係有好香既牛油同蒜蓉味,野菌又唔會話炒得太乾身,都唔錯。紐西蘭草飼肉眼扒(10 oz)配自家製燒汁肉眼扒煎得岩岩好,大約五六成熟。肉質嫩滑,唔會太韌。另外自家製既燒汁亦同肉眼扒味道非常夾,將牛既鮮味更加帶出。旁邊仲有甜甜既紫薯蓉,幾特別。海鮮黃薑意大利飯個飯既賣相非常豐富,上面有大蝦,青口同埋魚塊。Risotto既汁非常creamy,飯粒亦煮得岩岩好,唔會太過稔或硬身。Matcha latte甜度適中,抹茶既苦澀味亦剛好,不過不失。Tiramisu上面既忌廉非常滑身而不膩口,又唔會過甜。而最底層既海綿蛋糕索晒咖啡酒,非常之香,算係好有水準既甜品。總括黎講呢到既環境都幾適合同朋友坐低慢慢邊食飯邊傾計,下次會再帶朋友黎呢到食飯! 繼續閱讀
(以上食評乃用戶個人意見 , 並不代表OpenRice之觀點。)
朋友帶路,行下行下,轉入工廠,我即刻心諗:「唔通又黎到工廠大廈有驚喜嘅時間?」一入打開Bomdi大門,果然!工廠大廈又收埋咗間咁有格調嘅西餐廳! 我地叫咗set dinner, 都幾豐富! 先黎有餐湯同餐包! 兩個湯都好香濃、好creamy! 蘑菇湯仲有細細粒蘑菇蓉,飲落口特別香! 再黎係前菜,我地叫咗炒野菌! 野菌牛油炒至乾身,但係又唔會太乾,咬落去都仲好juicy,充滿野菌嘅精華! 另外,前菜仲有碟蔬菜,正呀,好健康! 跟著我地想再健康啲😂仲叫咗碟意大利風乾火腿巴馬臣慕士沙律! 風乾火腿份量都幾多,包住啲沙律菜再拌啲慕士食落又唔會好咸!煙肉忌廉汁焗蠔- 蠔都幾大隻,肥美!加埋煙肉同忌廉汁又唔會搞到太膩,唔錯! 海鮮黃薑意大利飯- 話到明海鮮risotto, 海鮮又確係唔會馬虎! 有大蝦、青口、同埋魚塊! 個飯煮到岩岩好,唔會好生好硬,而係相當creamy,索哂海鮮同黃薑嘅精華! 主角黎啦! 草飼肉眼扒配自家燒汁- 肉眼扒大大塊,底下仲有紫薯,正呀! 塊扒煎得岩岩好,唔會乾,相當juicy,仲有啖啖牛香味! 飲品同甜品就叫咗抹茶Latte同埋提拉米蘇! 杯Latte 賣相幾靚,飲落唔會太甜,陣味都唔會好人工! 最大驚喜係提拉米蘇! 估唔到佢做到淡淡酒香味,搞到每一啖都係享受! 繼續閱讀
(以上食評乃用戶個人意見 , 並不代表OpenRice之觀點。)
等級4 2017-09-14
295 瀏覽
番左幾個月工, 一日假期都冇, 真係會搞到人都癲, 香港人壓力真係大, 我決定約埋女友一齊食返餐於是我就搵左近荔枝角既餐廳, 方便食完可以快D返到屋企唔駛講老規矩上OP, 見到Bondi既評價唔錯, 又唔係好貴當然係我一早約左架啦睇下個餐牌先, 可以一個set甘叫, 亦可以一樣一樣叫~ 甘樣真係唔錯我當然係叫set啦+$68  就會有餐湯&小食當日餐湯係蕃茄湯一碗充滿蕃茄香, 酸甜開胃, 仲有少少既蕃茄粒粒, 有口感餐包都唔會輸, 係暖既, 唔會凍鬼哂, 加入小盒裝既牛油個面包都幾好食另外再+$29蚊, 就可以有埋飲品同CAKE, 唔算貴更係加埋啦我叫左杯凍既Cappuccino, 話甘快就上枱, 飲落咖啡味幾濃, 上面個公仔比我整花左, 唔係都幾令(記得叫加糖)主食 軟殼蟹墨汁拌飯望落賣相已經想食落肚側碟果一劃幾有藝術感軟殼蟹食落香脆, 唔會好油淋淋其實整軟殼蟹唔易, 因為本身會出水, 所以醃都難以入味但係佢竟然有入味~ 不錯墨汁拌飯用材料要好既先唔會難食因為要新鮮墨汁先好食架,仲有墨汁既營養度太高啦,  大家可以去搜索一下,哈哈而且米亦用左意大利米, 就算加左水去煮都會保持"煙銀"實在幾好食最後食埋個甜品心太軟加雪糕雲尼嗱雪糕香甜加滑滑的~凍冰冰好食加上心太軟內心熱辣辣, 又熱又凍, 覺感好得意 繼續閱讀
(以上食評乃用戶個人意見 , 並不代表OpenRice之觀點。)