影片
更多
2020-12-15
151 瀏覽
The Blind Pig係有酒飲、有野食、有波睇嘅餐廳，招牌同裝飾都用左盲豬，港豬我就識，但究竟「Blind Pig」點解？原來係指上世紀20年代美國禁酒時期嘅地下酒吧，客人會去地下酒吧畀錢睇表現，例如望下隻豬，之後就可以免費飲酒，就係咁樣偷雞賣酒。呢期晚市禁堂食，呢招仲有無得諗？叫左個節慶套餐，有頭盤、主菜、甜品，盛惠298蚊，另外仲叫左小食同雞尾酒。利申，呢餐係晏晝食，咪篤我灰。🍴烤南瓜肉蔻湯非常香甜，濃厚順滑，麵包上完油再烤，唔係普通烘多士，特別香脆。🍴墨西哥芝士雞肉烤餅 HK$142烤餅好香，唔會太乾，雞肉唔鞋，加埋辣椒、芝士已經好惹味，而秘製番茄莎莎同牛油果醬亦都好出色，又香又清新。🍴慢煮豬頰肉豬頰肉本身較瘦，經過慢煮之後非常柔軟有彈性，完全保留原汁原味，唔似手撕豬肉咁軟爛，配埋香濃砵酒汁就更加滋味。伴碟有粟子餡、蜜汁蘋果、番薯蓉、椰菜仔，食材同烹調都頗用心。🍴紅莓麵包布丁配雪糕麵包布丁表面微脆，內裡濕潤軟熟，夾雜香甜紅莓，配埋百利甜酒雪糕增添一份酒香，淡奶都唔使落。🍴BUCK STOPS HERE HK$88材料有檸檬伏特加、葡萄汽酒、接骨木花糖醬、薑、檸檬，薑味突出，帶
The Blind Pig係有酒飲、有野食、有波睇嘅餐廳，招牌同裝飾都用左盲豬，港豬我就識，但究竟「Blind Pig」點解？原來係指上世紀20年代美國禁酒時期嘅地下酒吧，客人會去地下酒吧畀錢睇表現，例如望下隻豬，之後就可以免費飲酒，就係咁樣偷雞賣酒。呢期晚市禁堂食，呢招仲有無得諗？叫左個節慶套餐，有頭盤、主菜、甜品，盛惠298蚊，另外仲叫左小食同雞尾酒。利申，呢餐係晏晝食，咪篤我灰。
🍴烤南瓜肉蔻湯
非常香甜，濃厚順滑，麵包上完油再烤，唔係普通烘多士，特別香脆。
🍴墨西哥芝士雞肉烤餅 HK$142
烤餅好香，唔會太乾，雞肉唔鞋，加埋辣椒、芝士已經好惹味，而秘製番茄莎莎同牛油果醬亦都好出色，又香又清新。
🍴慢煮豬頰肉
豬頰肉本身較瘦，經過慢煮之後非常柔軟有彈性，完全保留原汁原味，唔似手撕豬肉咁軟爛，配埋香濃砵酒汁就更加滋味。伴碟有粟子餡、蜜汁蘋果、番薯蓉、椰菜仔，食材同烹調都頗用心。
🍴紅莓麵包布丁配雪糕
麵包布丁表面微脆，內裡濕潤軟熟，夾雜香甜紅莓，配埋百利甜酒雪糕增添一份酒香，淡奶都唔使落。
🍴BUCK STOPS HERE HK$88
材料有檸檬伏特加、葡萄汽酒、接骨木花糖醬、薑、檸檬，薑味突出，帶少少檸檬清香，唔會太甜，酒味唔算濃，幾清爽。
🍴PICK ME-UP HK$88
材料有冧酒、金巴利、甜苦艾酒、咖啡甜酒，用上四種酒，酒味幾濃，甜甜地，滲出淡淡咖啡香。
📍The Blind Pig
尖沙咀諾士佛臺1號地舖
張貼
