大勝軒丸一 (金星閣) (已結業)

嗰日去到太古一心想食個拉麵，見到有豚王同大勝軒，豚王已經食過，於是膽粗粗去試吓大勝軒。首先講講碗麵質素其實算OK。湯夠熱、D麵比較粗同彈牙。但係個湯味道就真係好鹹。因為沾麵對我來講一般都係比較鹹，所以我點咗一碗大勝軒拉麵丶一啲配菜同埋一杯嘢飲。最後我食晒啲麵，但係啲湯就一啖都唔敢飲。 環境方面可能個廚房係開放式所以餐廳都比較熱。因為嗰日係午餐時間，被安排坐喺吧枱最尾嗰個位，根本係熱到一路食一路出汗。服務方面，男侍應比較有禮貌，攞碗拉麵嚟嘅時候，會講句大勝軒拉麵多謝。但係女侍應攞嘢埋嚟嘅時候就完全咩都唔講，放低就走咗去。食完野行出去埋單嘅時候，俾咗錢個女收銀員之後完全乜嘢都唔講，收咗錢就擰轉頭走。但係當時店舖只係剩返一兩枱客。唔係真係咁忙吖嘛。我覺得如果想做好一間日式拉麵店，我相信服務同食物質素同樣重要。