古早味台灣原味 (已結業)

同朋友係附近行街 經過京都廣場就諗住食呢排好耐無食的台灣菜叫咗兩份午餐分別係古早味乾撈麵同埋古早味牛肉麵 套餐會包咗小食三款同飲品一杯朋友揀咗茉莉綠茶而我就選擇加多十蚊叫咗杯紫薯黑糖飲品 首先飲品嚟咗先 我個杯紫薯黑糖飲品真係超有驚喜 簡直可以同出面台式飲品店可以媲美 加十蚊真係超級抵 一定要推薦大家食餐要轉飲呢個黑糖珍珠非常堅韌 同埋紫薯食到一粒粒 唔錯唔錯 轉頭食物就嚟啦 我個干撈麵其實就有一啲好似滷肉咁樣嘅肉碎之後就隻滷蛋 另外我做粗麵配搭埋啲汁 啖啖都好味 味道好似台灣食到嘅滷肉飯 轉頭同事個牛肉麵都嚟咗 佢即刻就飲咗啖湯話好正 牛肉都唔少 而且幾厚身 非常滿意 佢話連跟餐小食都非常好味 有少少辣香味