影片
更多
2019-01-04
127 瀏覽
約左成班舊同事一齊出黎食飯聚舊。有人提議想食燒肉，又有人提議想食放題，咁啱就畀我哋搵到一間既有燒肉，又有日式放題食嘅餐廳，而且餐廳位於大家嘅中間點尖沙咀，就決定試下佢。一入到餐廳就見到一張好有氣派嘅大圓枱，但係我哋今晚並唔係坐呢度。由於我地有成十個人，所以店舖安排左張係户外嘅枱俾我地，等我地可以自成一角慢慢食。我地十個人有兩個爐頭，都夠曬我地燒。非常方便地，餐廳係使用平板電腦落單，既方便又環保。 我哋第一時間當然係叫燒肉同埋海鮮先。 燒肉方面都係以牛同豬為主。除咗肉，當然唔少得海鮮。呢度嘅海鮮都有頗多選擇，有廣島蠔、元貝、聖子等等。落單冇耐食物就已經送到，基本上全晚都冇出現過走單嘅情況，值得一讚。蔬菜同埋部份海鮮都係以鐵兜上，可以成兜一次過燒，非常方便。除咗燒肉，當然仲有日式料理放題。日式料理以刺身、壽司同埋炸物為主。刺身嘅選擇 都係以大路刺身為主，例如有三文魚、北寄貝、甜蝦同埋帶子。而壽司除咗有常見嘅三文魚籽軍艦、蟹籽軍艦同埋三文魚壽司之外，仲有比較少見嘅和牛壽司同埋琉璃蝦壽司揀。炸物方面，除左有大路嘅炸雞、炸多春魚、同炸蝦之外，仲有平時少見嘅炸雙皮奶同埋榴槤炸彈。落單冇幾耐，刺身同
約左成班舊同事一齊出黎食飯聚舊。有人提議想食燒肉，又有人提議想食放題，咁啱就畀我哋搵到一間既有燒肉，又有日式放題食嘅餐廳，而且餐廳位於大家嘅中間點尖沙咀，就決定試下佢。
一入到餐廳就見到一張好有氣派嘅大圓枱，但係我哋今晚並唔係坐呢度。
由於我地有成十個人，所以店舖安排左張係户外嘅枱俾我地，等我地可以自成一角慢慢食。我地十個人有兩個爐頭，都夠曬我地燒。
非常方便地，餐廳係使用平板電腦落單，既方便又環保。 我哋第一時間當然係叫燒肉同埋海鮮先。 燒肉方面都係以牛同豬為主。
除咗肉，當然唔少得海鮮。呢度嘅海鮮都有頗多選擇，有廣島蠔、元貝、聖子等等。
落單冇耐食物就已經送到，基本上全晚都冇出現過走單嘅情況，值得一讚。
蔬菜同埋部份海鮮都係以鐵兜上，可以成兜一次過燒，非常方便。
除咗燒肉，當然仲有日式料理放題。
日式料理以刺身、壽司同埋炸物為主。刺身嘅選擇 都係以大路刺身為主，例如有三文魚、北寄貝、甜蝦同埋帶子。
而壽司除咗有常見嘅三文魚籽軍艦、蟹籽軍艦同埋三文魚壽司之外，仲有比較少見嘅和牛壽司同埋琉璃蝦壽司揀。
炸物方面，除左有大路嘅炸雞、炸多春魚、同炸蝦之外，仲有平時少見嘅炸雙皮奶同埋榴槤炸彈。
落單冇幾耐，刺身同壽司就到。份量非常足，而且都幾新鮮。
壽司有火炙琉璃蝦壽司、火炙三文魚壽司、同埋較少見嘅火炙和牛西冷壽司。
最後值得一提嘅係小食。除左基本嘅蟹籽沙律同埋胡麻沙律，亦都推薦龍蝦海鮮粥。 估唔到嚟食放題都會食粥，不過呢個海鮮粥都煲得幾綿，而且好有海鮮味。
張貼
