影片
更多
2013-08-12
3187 瀏覽
見到好多人都黎呢度食原隻海膽，於是同友人約定黎食。星期一(5/8)打去book枱時已叮囑預留2個海膽。接線的waitress 說無問題到時見。今晚 (10/8) 上到去，眼見得2枱客，企係門口位置等左成分鐘都無人黎帶位。 座低時間為7:47pm（因為自己遲到了，所以望望隻錶），好喇叫野食，同落單既 waitress 交代話預留左原隻海膽，竟然話「無貨」 ，我同友人已經沈左一沈。點解唔打電話黎交代無貨呢（下午亦無打電話來 confirm 我個 booking ）？結果叫左另一款用玻璃兜裝的北海道海膽、壽司、吞拿魚卷、串燒加東風螺。係叫既同時，後面剛好有一枱客來到，聽口吻，應該是常客，他們找了師傳傾計，請他發板。聽到師傅問他們吃海膽刺身還是壽司。（對呢２個字好敏感，因為是餐飯既重點）他們亦選了刺身。心想：大家黎到都無得食原隻海膽，大家一齊無口福。東風螺與海膽先後來到，韓式東風螺帶微甜，味道一般；最期待既海膽，新鮮但竟然只有一丁點海水味，我在點菜時已問清楚 waitress 哪一款較重味才點的。不濟！最神奇的是，在我們吃東風螺與海膽的同時， Waitress 為後面那枱（4-5人，不記
今晚 (10/8) 上到去，眼見得2枱客，企係門口位置等左成分鐘都無人黎帶位。 座低時間為7:47pm（因為自己遲到了，所以望望隻錶），好喇叫野食，同落單既 waitress 交代話預留左原隻海膽，竟然話「無貨」 ，我同友人已經沈左一沈。點解唔打電話黎交代無貨呢（下午亦無打電話來 confirm 我個 booking ）？結果叫左另一款用玻璃兜裝的北海道海膽、壽司、吞拿魚卷、串燒加東風螺。
係叫既同時，後面剛好有一枱客來到，聽口吻，應該是常客，他們找了師傳傾計，請他發板。聽到師傅問他們吃海膽刺身還是壽司。（對呢２個字好敏感，因為是餐飯既重點）他們亦選了刺身。心想：大家黎到都無得食原隻海膽，大家一齊無口福。
東風螺與海膽先後來到，韓式東風螺帶微甜，味道一般；最期待既海膽，新鮮但竟然只有一丁點海水味，我在點菜時已問清楚 waitress 哪一款較重味才點的。不濟！
最神奇的是，在我們吃東風螺與海膽的同時， Waitress 為後面那枱（4-5人，不記得了）每人送上一隻原隻海膽 ，友人即時說：「又話無貨？岩岩返貨唔同我地講？」
當 Waitress 黎幫我地執走d碟時，我地就問：「點解佢地有原隻海膽？係咪岩岩返貨？」
「唔係呀，佢地 book 左呀！」
「我都有 book wor」
「你打黎個陣，同事唔知公司已經截左海膽 order。」有人一早知我過左 order 時間，點解唔話比我聽，等我選擇下次再黎幫襯？好離譜。
算喇，我忍左佢，但女友人已經開始面有難色。因為她整天只吃了個杯麵。
之後黎左２件甜蝦同赤貝壽司，飯一夾就散，唔得！Wasabi 人手磨的，但磨得不夠細，唔得！只有上面的「刺身」是吃得出新鮮！側邊ｄ酸薑，做唔到「清口」既作用，接近無味而且切到勁厚。
食完呢４樣野，一路傾計，後面個枱ｄ野一路無停咁黎，友人再問：「我地ｄ野咁耐既？」我第一次問 waitress d野係咪漏左單，請佢幫我 check check ，她竟然一去不回頭，有無漏都講聲呀大姐！ 8:50pm，己經不耐煩，問另一位 waitress「幫我跟跟張單，如果漏單，幫我 cut 左佢，然後埋單。」
「今日比較多人，唔好意思。」多人？我隔離張枱空架！
唔洗一分鐘同我拎碟雞心串燒出黎，食落去，唔熱、無燒過既味，似用微波爐叮。 （後來發現串燒是下面菁森送上來的！想點樣？）
食完串雞心都「腰心腰肺」，因為後面枱ｄ野唔洗催有人自動送上，我地叫同樣既野（如燒廣島蠔）乜都無，我地唔係客咩？9:00pm 行出去同 waitress 客氣地講：「麻煩叫你經理黎」。竟然唔理我，行開左！
另一個 waitress 埋黎，我再叫佢搵經理，唔理我，我同佢講：「如果你真係漏單，我唔要喇，麻煩 cut 左佢，埋單。」聽到收錢，佢快手同我埋單，拎張單埋黎$9XX，望真ｄ，無黎既吞拿魚卷都收我錢？！
「唔好意思，搞錯左。我送返個雪糕比你地呀。」我地唔稀罕個雪糕，亦唔想繼續等囉！
最後$792埋數，好貴又唔好食，仲要食到一肚氣！
相：
題外話/補充資料：
P.S. 我明白 VIP 可能有 privilege ，但唔該講真話，無留海膽咪無留囉！點做生意架？
(以上食評乃用戶個人意見 , 並不代表OpenRice之觀點。)
張貼