番本日式放題 (已結業)

想食蒸氣火鍋嘅話真喺要嚟呢間，事關呢間日式放題人少少兩個人都可以食到。而且食材都有充足嘅選擇。有蜆殼、肥牛、南瓜、鮮蝦、金茹等，雖然個煲比較細，但都足夠兩個人享用。我覺環境整潔中規中舉，晚市坐得比較狹窄，如果唔洗搭枱，坐得鬆動啲就好啦。但服務態度都唔錯，啲侍應會主動過黎幫手睇睇啲食物熟唔熟，同埋落單後好快有嘢食。我哋叫咗一個蟹子沙律，沙律菜非常多。最啱飯前享用。「牛油炒粟米」香濃牛油味道，份量比較少，但粟米粒非常香甜。「和風牛肉粒」肉質細軟煙韌，味道唔太油腻。「酸辣椰汁雞翼尖」味道特別，入口滲出椰汁嘅香味，而雞翼尖都好入味。「日式清洒煮蜆」入口即滲出清洒嘅味道，而蜆肉都非常大塊，非常新鮮。