影片
更多
2022-10-14
128 瀏覽
哈，呢餐飯真係好L 不得了，火火火。我哋係叫咗平日＄448/120分鐘，25 款特選牛肉嘅B餐某一女店員極度黑口黑面，好似爭佢錢咁。佢同我哋交流嘅方式除咗黑面之外就係喺人哋燒緊嘢嘅時候飛象過河橫跨個爐喺度收碟，當然係無對話無交流，令人有少少黑人問號❓不過最正都係埋完單，坐底飲杯水係唔比嘅，即刻比人趕走，main point 同場係無坐滿無人等緊位而且有超過一張空枱㗎，亦都唔係收工時間阻人收工猶如殺人父母，當時只係夜晚九點仲有其他枱食緊嘢，想點呢（不過見到該名店員係有去幫其他枱燒嘢，可能係我哋生得樣衰或者無嗌八八八啲寶箱餐所以不受歡迎）另外，某啲肉上枱時係未解凍就拎出嚟，幾塊黐埋一嚿唔知點燒🤔 出菜份量隨心，因為係任食 default 送上枱嗰隻船既嘢食應該係按人頭出啦，但有啲又兩件又有啲四件古古怪怪唔知點分搞到又要再落單，個system 古靈精怪仲有千祈唔好叫牛里脊肉，好乾好乾的。牛舌棒睇個樣都覺得佢改得麻麻，食落係唔爽仲有啲韌，反而薄嘅係好食啲嘅。各種豬肉，薄炙肉肉同牛肋肉係最安全同最好食（經過trial and error 後淨係食呢啲😂）要讚嘅係好彩用QR code 落單（唔使同
某一女店員極度黑口黑面，好似爭佢錢咁。佢同我哋交流嘅方式除咗黑面之外就係喺人哋燒緊嘢嘅時候飛象過河橫跨個爐喺度收碟，當然係無對話無交流，令人有少少黑人問號❓
不過最正都係埋完單，坐底飲杯水係唔比嘅，即刻比人趕走，main point 同場係無坐滿無人等緊位而且有超過一張空枱㗎，亦都唔係收工時間阻人收工猶如殺人父母，當時只係夜晚九點仲有其他枱食緊嘢，想點呢（不過見到該名店員係有去幫其他枱燒嘢，可能係我哋生得樣衰或者無嗌八八八啲寶箱餐所以不受歡迎）
另外，某啲肉上枱時係未解凍就拎出嚟，幾塊黐埋一嚿唔知點燒🤔 出菜份量隨心，因為係任食 default 送上枱嗰隻船既嘢食應該係按人頭出啦，但有啲又兩件又有啲四件古古怪怪唔知點分搞到又要再落單，個system 古靈精怪
仲有千祈唔好叫牛里脊肉，好乾好乾的。牛舌棒睇個樣都覺得佢改得麻麻，食落係唔爽仲有啲韌，反而薄嘅係好食啲嘅。各種豬肉，薄炙肉肉同牛肋肉係最安全同最好食（經過trial and error 後淨係食呢啲😂）
要讚嘅係好彩用QR code 落單（唔使同黑面女店員交流咁多），坐位係超寬敞同埋呢度甜品有明治雪條好食🥰
張貼
