宮崎日式燒肉店 (已結業)

今日係我同三眼仔先生嘅週年紀念日。因為之前同一大班朋友食過"宮崎"，同時又唔知食咩好，所以我地就決定食多次。去到門口見到成廿個人等緊位，諗住實有排等啦，點知即刻有位，真係好好彩!! 一埋到位，就見到餐廳送嘅虎蝦 & 配菜已經放好喺枱上，不過蝦身無咩水份，配菜又乾乾地，好似擺咗一段時間咁。(真係唔太吸引囉)唔知係唔係年初四，人流多。我地點啲野食有漏單、唔齊嘅情況。而且上菜速度好慢，試過成枱野食食晒，都仲要等十幾廿分鐘先再有野食上。仲有啲野食份量真係唔知點分囉，好似我地點牛舌咁，點咗2份，最終黎到係得1件，之後再點4份，就黎得3件。咁點法，點多多都唔夠啦!!不過，呢度嘅燒肉類都算係新鮮。值得一讚!!講返服務質素，老實講，喺旺角食飯我都唔會太要求高，但係呢度個"經理"嘅物體真係唔係好得，事緣係呢個"經理"嘅物體準備收走枱上嘅吉碟，同一時間三眼仔先生就想夾件肉去燒，就係呢秒鐘，個夾碰到呀"經理"物體嘅手，三眼仔先生就第一時間SAY SORRY 同問佢有無事，點知佢竟然呆咗2秒，之後仲怒"啤"咗我地一下，跟住好大動作地將隻手HI 落自己嘅圍裙上。呢一刻，我真係咗。到最後，食咗2個鐘都未食晒啲野食