LM Cafe (已結業)

今晚去左觀塘做野，做到肚餓，就搵野食醫肚。見到呢間龍門冰室，好似幾受觀迎咁，咁就揀左呢間～～咁岩係星期五晚，間餐廳好旺，入面已經幾乎坐滿晒人，有好多著住校服既學生，同埋有好多情侶食緊～～ 咁講真，間餐廳既設計，暗暗地既燈光，又幾適合談天說地既～～^_^我就叫左個「香蒜白酒蜆肉意粉」～～ 我叫呢個餐，係因為呢個係套餐，跟沙律、餐湯，仲有野飲添～ 我見有幾枱都係叫呢種set dinner個意粉，份量夠多，好香白酒味，d蜆肉佢應該炒過，所以好香口。個沙律d菜好新鮮～ 個餐湯係羅宋湯，好夠料wor!!! 仲有杯好正既熱柚子蜜，柚子味濃，勁滋潤，岩晒依家乾既天氣～ 好好食呀～