清邁泰式料理

營業中

休息中

長洲其實真係好多嘢食，間間都想試！支持一下小店，唔洗下下都食集團嘢！又唔洗排隊，更加唔洗限時交檯！懶得諗食乜，就咁叫個二人餐，二人餐當中，我地揀左：串燒，有六串，可選雞/豬，三雞三豬都得，小店嘅好處係彈性高，客制化！個沙嗲醬好得！我以為二人餐焗扇貝有兩隻，點知都係五隻，仲大大隻，不過芝士焗好似浪費左啲海鮮嘅鮮甜。個鐵板蠔仔蛋直得推薦，同一般食到嘅蠔仔蛋唔同，佢砌到好高，原來中間好似奄列咁，夾左好多菜絲喺入面，令到成碟嘢有多重口感，又可以有菜到肚，平衡反鐵板嘅油膩感，感覺輕盈左，好味！個餐無包飲品，自選椰青，呢餐泰晚飯就完滿了。