影片
更多
2021-03-02
121 瀏覽
星期六約咗一個好耐冇見嘅朋友食lunch，因為佢住灣仔，所以我哋就去咗灣仔食。佢話要帶我食一間叫Mr Crab嘅餐廳。呢間嘅裝修好靚，同埋啲裝修有好多船嘅元素，好似去咗主題餐廳咁，座位都好舒服。我哋每人叫咗一個湯，又叫左熱海鮮盤，同埋一個pasta。🦞龍蝦湯 $88一見到個湯嗰陣幾驚訝，因為龍蝦湯就飲得多，原隻龍蝦仔係個湯入面就真係第一次見。呢個龍蝦湯味道好濃郁，好重嘅龍蝦味，飲完仲可以食埋嗰隻龍蝦仔添。隔離仲有塊包，塊包外脆內軟，仲有好香嘅香草味，好食。🦀酥皮蟹肉蠔周打湯 $98周打蜆湯就飲得多，蟹肉同蠔嘅周打湯就第一次飲。呢個湯都係好濃味，飲落去嗰陣會食到好多蟹肉，估唔到啲蟹肉煲完湯之後都仲咁重蟹味，好味。呢個湯都係有塊包嘅，塊包都係一樣咁好食嘅。面層嘅酥皮浸落去湯度，好好食，飲完呢個湯都飽飽地。🐙Mr Crab熱海鮮盤（三種海鮮）$398海鮮方面我哋揀咗馬尼拉蜆、墨魚仔同埋小龍蝦，醬汁方面我哋揀咗Mr Crab Cajun Sauce。呢個汁係辣嘅，有得揀Mild/ Medium/ Hot。我哋兩個都好鍾意食辣，所以我哋本身就諗住揀最辣嘅Hot，但店員就建議我哋揀Medium，話
呢間嘅裝修好靚，同埋啲裝修有好多船嘅元素，好似去咗主題餐廳咁，座位都好舒服。
我哋每人叫咗一個湯，又叫左熱海鮮盤，同埋一個pasta。
🦞龍蝦湯 $88
一見到個湯嗰陣幾驚訝，因為龍蝦湯就飲得多，原隻龍蝦仔係個湯入面就真係第一次見。呢個龍蝦湯味道好濃郁，好重嘅龍蝦味，飲完仲可以食埋嗰隻龍蝦仔添。隔離仲有塊包，塊包外脆內軟，仲有好香嘅香草味，好食。
🦀酥皮蟹肉蠔周打湯 $98
周打蜆湯就飲得多，蟹肉同蠔嘅周打湯就第一次飲。呢個湯都係好濃味，飲落去嗰陣會食到好多蟹肉，估唔到啲蟹肉煲完湯之後都仲咁重蟹味，好味。呢個湯都係有塊包嘅，塊包都係一樣咁好食嘅。面層嘅酥皮浸落去湯度，好好食，飲完呢個湯都飽飽地。
🐙Mr Crab熱海鮮盤（三種海鮮）$398
海鮮方面我哋揀咗馬尼拉蜆、墨魚仔同埋小龍蝦，醬汁方面我哋揀咗Mr Crab Cajun Sauce。呢個汁係辣嘅，有得揀Mild/ Medium/ Hot。我哋兩個都好鍾意食辣，所以我哋本身就諗住揀最辣嘅Hot，但店員就建議我哋揀Medium，話Medium已經好夠辣，擔心如果揀Hot會淨係食到辣味，掩蓋左海鮮味。於是我哋就聽咗店員嘅建議，揀咗medium。呢個辣度真係啱啱好，好夠辣，同時又可以食到海鮮嘅鮮味，正。我覺得呢個醬汁有啲似辣肉醬咁嘅味，同時又有啲蒜香味，完全係食到停唔到口。最索味嘅就係墨魚仔，我哋兩個差啲要爭住食。呢個海鮮盤入面仲有兩舊大大粒嘅薯仔，薯仔好清甜，兩舊都比我食晒。仲有兩舊甜甜嘅粟米同埋幾粒腸仔。
🍝黑松露海蝦忌廉汁寬條麵 $138
呢個寬條麵好有驚喜，個汁好正，好creamy同埋黑松露味超濃。麵條嘅軟硬度啱啱好，好好食。份量都唔少，蝦都有五大隻，爽口彈牙。
食完之後兩個人頂住個大肚腩，充滿滿足感咁走啦。
張貼
