盈翠軒 (裝修中)

因為見到香港01有介绍尼間，話飲茶好抵食，我就同我朋友都係好鐘意飲茶既人，所以就Book左檯去食。初頭以為一定會好多人，但係去到只係見到幾檯有人，係行緊去我地張檯既時侯，已經望到d檯已經唔多乾淨，個心已經驚緊會唔會中伏…我地一開頭叫左炸野先，好多粉，咸水角勁難食，之後就叫例牌廣告話好食既蝦餃、燒賣同粉果，真係失望，好耐未食過咁低質素，D蝦又霉，燒賣又一陣怪味，D粉果皮又厚，到甜品…都係勁普通，無特别，雖然話只係食90分鐘126蚊唔好要求甘高，但係基本禮貌待客之道都無，到差唔多90分鐘個陣有個光頭中年肥阿叔話夠鐘wo，話：你都知食90分鐘架啦，我地依家要收野架啦。就咁講我地無話唔走，但你係五分鐘內催左我三次，仲要一個唔該都無，茶水即刻收哂，仲不停催，仲唔理你檯面有無野食未食完。你話你好多客要我地快點走我會明白，但係你已經無咩客，都係為左留住客人先做尼個promotion，但你地依家又要趕人走，態度又勁差，點會留到客？我真心覺得喺尖沙咀大把好野食又唔貴，重點係態度又好，至少唔會食到一肚氣。講真，我真係以後都唔會再來尼間野，平都無用，食到一肚氣！