影片
更多
2018-06-01
1163 瀏覽
天氣悶熱，約朋友出商場hea下，順便食下野，到了附近的韓日燒食放題，正價時段都係$168一位，已經可以食兩個鐘，咁平嘅價錢當然唔好期望食靚野，但多款又食到飽真心堅抵嘅烤爐加紙去燒，無咁易燶同黏底，燒烤紙免費任換，當然是自助的，枱上就有一叠。飲品好多選擇，酒都有咁多款，梅酒、清酒等，仲有支裝啤酒，酒鬼真係啱哂。唔飲酒精，仲有汽水機，冷熱豆漿，酸梅湯，沙冰，奶茶咖啡等，但無罐裝飲料的。食物非常多，各樣燒烤肉類，火鍋用蔬菜，師傅即烤牛肉，大阪燒等，仲有中湯，壽司等，包羅萬有。燒肉未熟食住其他野先啦，攞左啲炸薯角，麥樂雞，咖哩魚蛋等，其中咖哩魚勁辣好正，哈哈。師傅燒的玉子豆腐，大阪燒，燒牛肉等，人多不停做新的，熱辣辣好味喎。咩都掉啲落爐燒下先，腸仔，餃子呢啲係穩陣之選。牛仔骨同牛柳粒都幾好，肉普遍無乜醃味，嫌淡可以自己調味，枱上有七味粉，海鹽等，再唔啱點個麻醬，燒肉汁等，再重口味都夠啦。食左咁多肉又係時候打下邊爐食返啲菜，仲有雜菇，烏冬等。食飽飽就梗係要食埋甜品，呢個焦糖布丁勁正，焦糖面夠熱，布丁微甜好滑，想encore已比人拎哂啦。西瓜爽甜，食得肉多好漏，食返啲生果濕濕嘴先。芝麻雪糕同豆腐花
烤爐加紙去燒，無咁易燶同黏底，燒烤紙免費任換，當然是自助的，枱上就有一叠。
飲品好多選擇，酒都有咁多款，梅酒、清酒等，仲有支裝啤酒，酒鬼真係啱哂。唔飲酒精，仲有汽水機，冷熱豆漿，酸梅湯，沙冰，奶茶咖啡等，但無罐裝飲料的。
食物非常多，各樣燒烤肉類，火鍋用蔬菜，師傅即烤牛肉，大阪燒等，仲有中湯，壽司等，包羅萬有。
燒肉未熟食住其他野先啦，攞左啲炸薯角，麥樂雞，咖哩魚蛋等，其中咖哩魚勁辣好正，哈哈。
師傅燒的玉子豆腐，大阪燒，燒牛肉等，人多不停做新的，熱辣辣好味喎。
咩都掉啲落爐燒下先，腸仔，餃子呢啲係穩陣之選。
牛仔骨同牛柳粒都幾好，肉普遍無乜醃味，嫌淡可以自己調味，枱上有七味粉，海鹽等，再唔啱點個麻醬，燒肉汁等，再重口味都夠啦。
食左咁多肉又係時候打下邊爐食返啲菜，仲有雜菇，烏冬等。
食飽飽就梗係要食埋甜品，呢個焦糖布丁勁正，焦糖面夠熱，布丁微甜好滑，想encore已比人拎哂啦。
西瓜爽甜，食得肉多好漏，食返啲生果濕濕嘴先。
芝麻雪糕同豆腐花，懶行咁多次，一碗過放埋一齊算，兩溝都幾正喎。
食多碗涼粉先，想食埋西米露㗎，但又比人攞哂添，見伙計拎左個壺入廚房，唔知係咪refill呢？太多野食，每樣試少少都好飽啦～
食物唔差，refill得快唔使搶，呢個價錢好感動，哈哈。
張貼
